Accessibility links

якшәмбе, 11 декабрь 2016, Казан вакыты 15:02

Hillada şartlawda 10 keşe häläk buldı


Bağdadtan könyaqqa taba urnaşqan küpçelek şiğilär yäşägän bu şähärdä yäşelçä bazarında maşinağa quyılğan bomba şartladı. Näticädä kimendä 10 keşe häläk buldı, 30ğa yaqını cärähätlär aldı. Basra räsmiläre xäbär itüençä kiçä şähärdä polisiä maşinaları qamawğa elägep kimendä 4 polisiä xezmätkäre häläk bulğan. Pänceşämbe könne Balad şähärendä 3 maşina şartlap 100gä yaqın keşe häläk buldı. Ğısyançılar 15nçe üktäbergä bilgelängän Ğiraq konstitusiäse turındağı referndumnı ütkärügä dä qomaçawlıq itäçäklären citkerde. Yaña xökümättä küpçelekne täşkil itkän şiği möselmannarı wäkillärenä Al Qaida suğış iğlan itte. Sönni ğäräp citäkçeläre xalıqnı konstitusiäne yaqlamasqa çaqırıp, töp qanun sönnilärne şiğilär häm kördlär belän çağıştırğanda tübänräk däräcädä qaldıraçaq, dip belderde.

XS
SM
MD
LG