Accessibility links

чәршәмбе, 7 декабрь 2016, Казан вакыты 11:47

Beslan mäktäbenä qoral aldan kiterelmägän


Beslanda mäktäpne totıq aluda qorallar uqu yortına aldan kiterelgän digän mäğlümat döres tügel dip tabıldı. Rusiä baş prokurorı urınbasarı Vladimir Kolesnikov, yaña şaxitlärneñ tanıqlıq itüennän soñ monıñ çınbarlıqqa turı kilmägäne açıqlandı, dide: "Bez 32 suğışçı häm böten qoralnıñ şul yök maşinasına sıya alu-almawın tikşerdek. Tikşerüdän soñ şaxitlär – eye, sıya alır ide, ämma alarğa caysız bulır ide," dip belderde. Ay başında qorbannarnıñ tuğannarı tikşerü barışı belän qänäğät bulmıyça Rusiä prezidentı Vladimir Putinğa şikäyät itkännän soñ, Kolesnikov töbäkkä cibärelgän ide. Ul üz çiratında tikşerü näticälären 3 atna eçendä iğlan itergä wäğdä itkän ide. Ber yıl elek Beslan faciğäasendä 330dan artıq keşe häläk buldı, qorbannarnıñ küpçelege balalar ide.

XS
SM
MD
LG