Accessibility links

дүшәмбе, 5 декабрь 2016, Казан вакыты 03:31

Rusiä Pakstanda ülem cäzasına xökem itelgän keşe belän elemtägä kerergä teli


İslamabad. Ul arada İslamabadtan ikençe ber qızıq xäbär kilde - andağı Rusiä ilçelege, Pakstan prezidentı Pärwäz Möşärräfkä höcüm oyıştıruı öçen ülem cäzasına xökem itelgän, häm urıs passportı bulğan dip farazlanğan keşe belän oçraşırğa teli. Äxläs Äxmät digän şul keşe 2003-nçe yılnıñ awgustında ülemgä xökem itelgän 5 adämneñ berse. Alar barısı da prezident Möşärräfne üterergä tırışuda ğäyeplängän ide. Ul höcüm näticäsendä Pakstan citäkçesenä zian kilmäde, ämma 16 keşe hälak buldı. Rusiä ilçelegendäge berençe sekretar Oleg Curayev, mäğlümat çaraları Äxläs Äxmätneñ Rusiä passportı buluı xaqında yazıp çıqqannan soñ, ilçelek anıñ belän elemtägä kerergä teläde dip belderde. Anıñ süzlärenä qarağanda, Rusiä xakimiate şul keşeneñ çınnan da urıs watandaşı buluın tikşerergä teli. Mäğlümat çaralarında elegräk Äxmätneñ änise Rusiädän häm ul Volgograd şähärendä yäşi dip yazılğan ide. Pakstan tışqı eşlär ministrlığı wäkile Rusiä ilçelegennän çınnan da şundıy üteneç alınuın rasladı häm xakimiat Äxmätneñ watandaşlığın tikşerä dip belderde.

XS
SM
MD
LG