General, bu yulı kimendä 25 keşeneñ ülemenä kitergän höcümnär, şul uq Balidä 3 yıl elek bulğan şartlawlarnı xäterlätä, dip belderä. Ul çaqta 202 keşe hälak bulğan ide, alarnıñ zur öleşen utrawda yal itüçe çit il keşeläre täşkil itte. Comğağa qarşı töndä şul dähşätne qabatlaw tırışlığı yasaldı.
Diñgezneñ tınıç qına şawlawı kötmägändä köçle şartlaw häm şaşqan xalıqnıñ qurquınnan ni eşlärgä belmägän qıçqıruları belän almaşına - bolar Balidäge restoranda utıruçı ber turistnıñ videosına yazılğan. Barlığı 3 şundıy şartlaw bulğan, tikşerü eşlären alıp barğan politsiä, kimendä 25 keşe hälak buldı, 100-dän artığı yaralandı dip xäbär itä. Xäzer ul bu höcümnärneñ intiharçılar, yäğni üz-üzen şartlatuçılar tarafınnan yasala alu ixtimalın tikşerä.
Moñardan tış, şartlatqıçlarnıñ pläjdäge restorannar yanında qomğa aldan uq kümep qaldırıluı mömkin digän faraz da qarala. Yäkşämbe irtän şartlaw bulğan urınnarnıñ berse - Kuta pläjendäge Radca restoranına kilep Bali politsiäse başlığı Manguku Pastika, soñğı höcümnär utrawnıñ äle 2002-nçe yılğı şartlawlardan arınıp kilä almağan turist industriäsenä yaña zian kiteräçäk digän qurquın belderde:
"Älbättä, bu zur faciğä, çönki ul kimendä 25 keşeneñ ğömeren aldı, 100-dän artığın yaraladı", di Bali politsiäse başlığı.
Şartlawlarnıñ cämäğätçelekkä mömkin qädär zurraq zian kiterü maqsatın quyuına İndoneziä prezidentı Susilo Bambañ Yudhoyono da iğtibar itä, ul alarnı açıqtan-açıq terror ğämälläre dip bäyäli häm cawaplılarnıñ tabılaçağın wäğdä itä:
"Bolar hiçşiksez terror ğämälläre ide, çönki alarnıñ qorbannarı itep ğäyepsez keşelär saylandı, maqsat itep cämäğät urınnarı alındı. İndoneziä prezidentı bularaq häm däwlät isemennän min bu räximsez ğämällärne xökem itäm", di İndoneziä başlığı.
Australiä premyer-ministrı John Howard ülüçelär arasında üz ilennän kilgän 16 yäşlek ber malaynıñ buluın rasladı, moñardan tış yaralanğan 17 australiäle arasında kimendä ikeseneñ awır xäldä buluın äytte. Ul İndoneziä prezidentı belän söyläşergä cıyınuın, häm üz xökümäteneñ Australiä turistları arasında bik populär Baligä yardäm cibärergä äzer buluın da xäbär itte.
"Bez anda politsiä, qorbannarnı açıqlaw belgeçlären yullarğa äzer, kön barışında Baligä zur yök oçqıçları kitäçäk. İlçelek xezmätkärläre Baligä baru yulında. Häm ägär dä nindi dä bulsa östämä yardäm kiräk bula qalsa, ul tuplanaçaq", di Australiä prezidentı Baligä aşığıç yardäm cibärü xaqında.
Şartlaw qorbannarınıñ zur öleşen cirle xalıq täşkil itä, ämma alar arasında Könyaq Koreä, Yaponiä, Australiä häm ixtimal Germaniä watandaşları da bar dip farazlana.
Kärim Kamal
Diñgezneñ tınıç qına şawlawı kötmägändä köçle şartlaw häm şaşqan xalıqnıñ qurquınnan ni eşlärgä belmägän qıçqıruları belän almaşına - bolar Balidäge restoranda utıruçı ber turistnıñ videosına yazılğan. Barlığı 3 şundıy şartlaw bulğan, tikşerü eşlären alıp barğan politsiä, kimendä 25 keşe hälak buldı, 100-dän artığı yaralandı dip xäbär itä. Xäzer ul bu höcümnärneñ intiharçılar, yäğni üz-üzen şartlatuçılar tarafınnan yasala alu ixtimalın tikşerä.
Moñardan tış, şartlatqıçlarnıñ pläjdäge restorannar yanında qomğa aldan uq kümep qaldırıluı mömkin digän faraz da qarala. Yäkşämbe irtän şartlaw bulğan urınnarnıñ berse - Kuta pläjendäge Radca restoranına kilep Bali politsiäse başlığı Manguku Pastika, soñğı höcümnär utrawnıñ äle 2002-nçe yılğı şartlawlardan arınıp kilä almağan turist industriäsenä yaña zian kiteräçäk digän qurquın belderde:
"Älbättä, bu zur faciğä, çönki ul kimendä 25 keşeneñ ğömeren aldı, 100-dän artığın yaraladı", di Bali politsiäse başlığı.
Şartlawlarnıñ cämäğätçelekkä mömkin qädär zurraq zian kiterü maqsatın quyuına İndoneziä prezidentı Susilo Bambañ Yudhoyono da iğtibar itä, ul alarnı açıqtan-açıq terror ğämälläre dip bäyäli häm cawaplılarnıñ tabılaçağın wäğdä itä:
"Bolar hiçşiksez terror ğämälläre ide, çönki alarnıñ qorbannarı itep ğäyepsez keşelär saylandı, maqsat itep cämäğät urınnarı alındı. İndoneziä prezidentı bularaq häm däwlät isemennän min bu räximsez ğämällärne xökem itäm", di İndoneziä başlığı.
Australiä premyer-ministrı John Howard ülüçelär arasında üz ilennän kilgän 16 yäşlek ber malaynıñ buluın rasladı, moñardan tış yaralanğan 17 australiäle arasında kimendä ikeseneñ awır xäldä buluın äytte. Ul İndoneziä prezidentı belän söyläşergä cıyınuın, häm üz xökümäteneñ Australiä turistları arasında bik populär Baligä yardäm cibärergä äzer buluın da xäbär itte.
"Bez anda politsiä, qorbannarnı açıqlaw belgeçlären yullarğa äzer, kön barışında Baligä zur yök oçqıçları kitäçäk. İlçelek xezmätkärläre Baligä baru yulında. Häm ägär dä nindi dä bulsa östämä yardäm kiräk bula qalsa, ul tuplanaçaq", di Australiä prezidentı Baligä aşığıç yardäm cibärü xaqında.
Şartlaw qorbannarınıñ zur öleşen cirle xalıq täşkil itä, ämma alar arasında Könyaq Koreä, Yaponiä, Australiä häm ixtimal Germaniä watandaşları da bar dip farazlana.
Kärim Kamal