Manama. Baxreyn patşasınıñ cämäğäte Şäyxä Sabiqä, "Ä-Şarq-äl-Äwsat" basmasına birgän äñgämäsendä, parlament eşendä xatın-qızlarnı da qatnaştıru öçen anda alarğa ayırım urınnar birelergä tieş dip belderde. Baxreyndağı xatın-qızlar saylaw häm saylanu xoquqın 2002-nçe yılğı parlament saylawları aldınnan ğına qazanğan ide, läkin ul çaqta anda ber genä xatın-qız da saylana almadı. Patşa cämäğäte xäzer, ilneñ konstitutsiäsendä xatınnar öçen urın bülü qaralmağan, ämma andıy tözätmä kertelä ala dip isäpli.
