Accessibility links

якшәмбе, 11 декабрь 2016, Казан вакыты 07:13

“Yalqınlı yäşlek” - Samar tatarlarınıñ közgese


İnde ğädäti küreneşkä äylänep bara, cäy aylarında Samar tatarları baqçalarda ciläk- cimeş üsterä, tabiğät qoçağında xozurlana, cäylären Samarda konsert- tamaşa siräk küreneş. Bıyıl közge konsert sezonın “Yalqınlı yäşlek” ansamble açıp cibärde. Cırnı da, iyünne dä, poeziäne dä eçenä alğan kollektiv zamança estrada, çamalap qına fol'klor elementların saqlap Samar tatar sänğäteneñ bizmäne bulıp qala birä. Yaña sezon turında ansambl' citäkçese İlgiz äfände Kälüç bolay dide:

- Sentäberneñ 25- dä bez üzebezneñ 36- nçı konsert sezonın açıp cibärdek. Här sezon üzenä genä xas bulğan üzençälek belän tarixqa kerep bara. Bıyılğı sezonnı bez ike zur waqiğağa- Musa Cälilneñ 100 yıllığına häm Gabdulla Tuqaynıñ tuuına 120 yıllıqqa bağışlıybız. Bu zur programma belän Sızran, Yaña Kuybıyşev, Tol'yatti, Samar häm awıl tamaşaçıların quandırırğa niätlänep yäşibez.

Aldağı sezonnı- gastrol'lär sezonı dip ömetlänäbez. Qazanıbıznıñ 1000 yıllığına bağışlanğan tamaşa- konsertnı Samarda kürsättek, çiratta Ul'yan, Orenbur ölkäläre häm Mäskäw qalası.

Yaña sezonda kollektivqa yaña yäşlär kildeme?

“Tuğan tel” oyışmasında uñışlı ğına yäşlär törkeme eşläp kilä. Menä şul törkemnän kvartet “Tatarstan “ isemle cır belän bezneñ säxnäne bizädelär. İke yeget häm ike qız çın tatar patriotik cırın säxnäläştergännär. Ğomumän duet, trio, kvartet teläsä qaysı konsert programmasınıñ yözek qaşı bit ul. Mäktäp uquçısı Färit Şafiğullin tamaşaçınıñ mäxäbbäten uyata torğannardan, biyu törkemenä dä yäşlär östälde.

Sezneñ säxnädä qoyıp quyğan, Tuqayğa oxşağan yeget konsertnı alıp bara. Ul nindiräk yeget?

Tuqayğa bik oxşağan yeget- ul İldar Mannanov. İke yıl ğäskär xezmätendä çınığıp qaytıp, politexnik universitetın tämamladı, ansabl'neñ bayançısı Güzäl Bikmöxämmätovağa öylände. Ul tışqı qiäfäte belän Tuqay, ä eçke xaläte- çın möselman tatarı. Student çağınnan uq biş waqıt namaz qaldırmağan yegetebez ansambl'neñ vizit kartoçkası.

İlgiz äfände, “Yalqınlı yäşlek” ansamble bügenge qatlawlı tormışnıñ közgese dip, äytep bula. Tormış awır, aqça citmi. Şul uq waqıtta yäşlär biep, cırlap, şiğer söyläp küñel aça. Ber yaqtan- araqı eçü, narkomaniä, ikençe yaqta-xäzrätkä kiäwgä birerlek artistlar ansambl'dä.

Äye, Güzälebez rus arasında tuıp üsep, Sankt-Peterburg sänğät akademiäsen tämamlap “Yalqınlı yäşlek” säxnäsendä ütä dä äxlaqi, milli, sänğät'çä iyüllär icat itkän şäxes ul. Güzälebez qoyıp quyğan sänğät keşese dä, maşinada çaba. Çittän qarap torsañ Güzäl tınıç, ıspay, ğacäyep neçkä küñelle näfis xanım. Xäzrätkä layıq xäläl cefete. Biş waqıt namazın qaldırmas. Äle genä üzen zur ğına mädäniät sarayına direktor yasap quydılar. Hiç şiklänmim, Güzäl bu wazıfanıda uñışlı başqarır, çönki ul eş yarata, eşli belä häm iñ möhime- aqırmıy-baqırmıy ğına eşlätä dä belä. Menä şundıy ğäcäyep şäxeslärgä bay ul “Yalqınlı yäşlek” ansamble.

İlgiz äfände, citmeşkä terälep kiläsez, alcıtmadımı äle bu mäşäqätlär. Konsert programmaları, yäşlärne tärbiäläw, gastrol'lär, transport yunältü, eşmäkärlärgä yalwarular yärdäm sorap.

Här yaña sezon ör- yaña ideya alıp kilä dä üzenä ber därt östäp cibärä. Xoday zihennän ayırmasın ide dä, sälämätlekne birsen ide dip yäşim. Xoday üz räxmätennän taşlamasın ide bändäsen.

Şamil Bahautdin, Samar.

XS
SM
MD
LG