Accessibility links

шимбә, 3 декабрь 2016, Казан вакыты 22:53

Bıyılğı ölkännär köne elekkesennän nıq ayırıla


Bıyılğı ölkännär köne aldağı yıllardağısınnan nıq ayırıla, dip xäbär itä mäğlümat çaraları. Üzençälege Qazannıñ 1000 yıllığı bäyräme häm Ciñüneñ 60 yıllığı ütkärelgän yılda ütkärelüe belän bäyle ikän. Ölkännär öçen ütkärelgän konsert çaraları, cıyılışlar ğädätеgeçä bulsa, bıyıl, veterannarnı 1000 yıllıq medal’’läre belän dä büläklilär.

Qazannıñ 1000 yıllığı uñayınnan medal’lär tapşıru tantanası, ölkännärğa bağışlanğan 10 könlekneñ iñ yuğarı bäyräm noqtası, dielä räsmi xäbärlärdä. Qazan ratuşası binasında, maxsus saylap alğan ber törkem veterannarğa medal tapşıru tantanasın ütkärü planlaştırıla. Ul medal’lärne tağın şähär rayonnarında da tapşıraçaqlar, alar olı yäştägelär häm yubiley bäyräm itüçelärgä tieş ikän. Qazanda, 100 yäştän uzğan keşegä 500 sum aqçalata yärdäm kürsätü qaralğan. Yalğız qartlarğa ayırım aqça birü dä planlaştırılğan, yalğız bulsa häm pensiäläre 2488 sumnan azraq bulsa, alarğa şähär rayonnarı byudjetınnan aqçalata yärdäm birergä wäğdä itälär. 90 yäştän uzğan awıru keşelärgä, meditsina äyberläre birelä. Äylärnıñ xälen tabiplar kilep beläçäk, şifaxanädä, ölkännär öçen maxsus qabul itü könnäre oyıştırılaçaq, dip xäbär itä räsmi çığanaqlar. 4nçe oktäberdä, «yaratqan şähär, yaratam sine» dip atalğan bäyräm konsertları, veterannar oçraşuların ütkärü planlaştırılğan.

5nçe oktäberdä, bar Qazan mäktäplärendä, «3 buyın oçraşuı» digän isem astında bäyräm kiçälären uzdıru planlaştırıla.

Şunıñ belän bergä tağın, munçalarda buşlay yuınu, çäçne kisterergä dä mömkin bulğan. Bazarlarda, közge yärminkälär barğan waqıtta, arzanraq bäyägä bäräñge, başqa yäşelçä satıp alırğa mömkin bulğan. Yäşelçä alğanda, sıyfatsız tovar almasınnar dip, qartlarğa yärdämgä maxsus cawaplı keşelär bazarda eşlägän ikän. Qısqası, xakimiätlär, ölkännärgä härdaim yärdämgä kilergä äzer bulıp torğan. Respublika xakimiätläre isemennän, ölkännär köne belän parlament räise Färit Möxämmätşin qotlağan bulğan. Anıñ räsmi möräcäğätendä, mondıy yullar bar.

Xörmätle veterannar, ölkännär, sezneñ alda baş iäbez, sezgä räxmätlärebezne belderäbez, ğömer «közendä» kübräk qoşlı könnär bulsın dielä. Sotsial yaqlaw ministrlığı Klavdiä Novikova, bäyrämgä bağışlanğan çağışında, ber niçä süz tatarça äytep tatarlarnıñ da küñellek kürgän. Şähär xakimiätläre isemnän, idärä başlığı urınbasarı Räis Möbäräkcanov çığış yasağan. Deputatlar da, rayon başlılıqları da ölkän keşelärenä iñ izge teläklär telägän.

Ämma, uramdağı soraştırular kürsätkänçä, äbi-balaylar alarğa bulğan iğtibarğa bik räxmätle, ämma kübräk aqçalata yärdämdä ömet itä. Tatarstan yäşläre gäzite, üzeneñ şimbä sanında, qatlarnıñ küñelen kürgän keşelär turında tügel, ä kiresençä, çinovniklarnıñ ölkännärgä dorfa mönäsäbät kürsätüläre, subsidiä aqçası 5 sum artıq küçergängä kürä, ber äbine awılda şähärgä ber niçä tapqır kitertkännär ikän. Üteneçlärneñ häm sorawlarnıñ cawapsız qaluı häm nindider yärdäm alu öçen qartlarğa küpme byurokratik kirtälär aşa uzarğa turı kilüe turında yazılğan älege mäqälädä.

Bikä Timerova

XS
SM
MD
LG