Accessibility links

пәнҗешәмбе, 8 декабрь 2016, Казан вакыты 05:09

Törkiäneñ Yevropa Berlegendä ağzalığı tuında söyläşülär başlaunıñ yazmışı äle bilgesez.


Yevropa Berlege illäreneñ tışqı eşlär ministerläre Törkiä belän ağzalıq turında söyläşülär başlau mäsäläsendä kilep çıqqqan kirtäne xäl qılu öçen Luksemburgta oçraşalar. Mäsälä uzğan yılnıñ dikäber ayında xäl itelgän bulsa da, Avstriäneñ Törkiägä tulı ağzalıq täqdim itüne kire qağuı säbäple söyläşülärneñ başlanuı sorau bilgese astında qaldı. Diplomatlar Avstriä üzeneñ Törkiägä alternativ statut täqdm itü taläbennän öleşçä çigende , läkin, Yevropa Berlege Törkiäne qabul itüdän elek , monı eşlärlek xäldä bulırğa tieş digän şart quya dip belderälär.

Tapşıruıbız äfirgä çıqqan minutlarda Törkiäneñ Yevropa Berlegenä tulı xoquqlı ağza bulıp kerünä bağışlanğan söyläşülär başlanırğa tieş ide. Bu inde kiçekterelde. Ul ğına da tügel. Ğomumäm söyläşülärneñ başlanuı ikele. Moña Avstriäneñ, zur küpçelegen möselmannar täşkil itkän Törkiägä tulı xoquqlı ağza statutın birügä qarşı çığuı säbäp bulıp tora. Vena Ankarağa previligiäle partnerlıq täqdim itüne xuplıy. Yevropa berlegendä ağza 25 ilneñ xökümätlär uzğan yılnıñ dikäber ayında Törkiä belän söyläşülär başlaunı raslağan ide. Avstriäneñ soñğı minutta diärlek monnan çigenüe söyläşülär başlaunı sorau bilgese astında qaldırdı. Yevropa belegeneñ nävbättäge prezidentı bulğan il, Britaniäneñ tışqı eşlär ministere Jack Straw Avstriä, Gretsiä häm Kipr kolegaları belän oçraşqannan soñ, söyläşülärneñ başlana aluına şik tudı dip işarä itte.

Audio

"Söyläşülärneñ näticäsen tışqı eşlär ministerlärenä citleräcäkmen . Söyläşülär qıyın çorda häm niçek tögälänäçäge turında ber närsä dä äytä almıym."

Straw Törkiäneñ tışqı eşlär ministere Göl belän telefonda söyläşkän häm Avstriäneñ oppozitsiäse säbäple söyläşülär başlauğa bağışlanğan däğvätnamäneñ tesktın üzgärtüne täşqdim itkän. Läkin, Törkiä premiere Erdogan Törkiä tulı ağzalıqtan başqa statut qabul itmiäçäk dip beldergän. Avstriä genä tügel, ä başqa qayber illär dä xäzer şartlar quya başlağannar. Diplomatlarnıñ süzlärençä. ike mäsälä xäl itelmägän. Berençedän. Avstriä üzeneñ Törkiägä tulı xoquqlı statut birmäskä kiräk digän taläbennän vaz kiçkän. Läkin, Törkiä ağza buludan elek Yevropa Berlege monı kütärä alırlıq xäldä bulırğa tieş digän şartnıñ quyıluın teli. İkençedän, Törkiäneñ ağzalığın yaqlap çıqqan Kipr, xäzer Yevropa Berlege Törkiä üzeneñ başqa xalıqara oyışmalarda ağzalığın blokaladalamasın digän şartnı qabul ittersen dip taläp itä. Kipr häm Malta NATO ağzası tügel. Törkiä bu illärneñ NATO belän Yevropa Berlege arasındağı xezmättäşlegenä qatnaşuına ayaq çala. Şulay vazğiät qatmarlı häm Luksemburgta satulaşular dävam itä. Kompromiss tabarğa tırışıla.

Färit İdelle, Praga.
XS
SM
MD
LG