Accessibility links

шимбә, 10 декабрь 2016, Казан вакыты 17:54

Yäş tamaşaçılar teatrı gastrol’lärgä cıyına


Bryussel’dä 3 oktäber könne başlanıp kitkän Yevropaliya-Rusiä mädäniät festivalendä Tatarstannan da qatnaşalar. Bu mädäni çara Belgiyagä Rusiä prezidentınıñ räsmi vizitı uñayınnan oyıştırıla. Berniçä ay däwam itäçäk festival’ qısalarında küpsanlı kürgäzmälär, konsertlar, mädäni programmalar, icadi intelligentsiä wäkilläre belän oçraşular qaralğan. Tatarstannan isä Bryussel’gä respublikanıñ sınlı sänğät däwlät muzeyı baraçaq. Qazannan barğan sänğät ürnäkläre belän belgiälelär 12 oktäberdä açılaçaq kürgäzmädä tanışa alaçaq. Ä menä Törkiäneñ Anqara şähärendäge Rusiä ilçelege binasında Qazannıñ meñyıllığına bağışlanğan fotokürgäzmä Tatarstannıñ başqalası belän tanıştıraçaq. 100dän artıq fotoräsemnän torğan kürgäzmä 4 oktäber könne açılaçaq, dip yaza Tatar-inform agentlığı. Ä menä uzğan atna axırında ğına yaña 19 teatral’ sezonın açqan Tatar yäş tamaşaçılar teatrı şuşı könnärdä gastrol’lärgä cıyına. Alar Çallı, Tübän Kama, Bögelmä, Zäy yaqlarında çığış yasayaçaq. Tamaşaçılarğa artistlar ciñüneñ 60 yıllığına bağışlanğan Serjant spektakle häm bıyılğı sezonnıñ premyerası – Tufan Miñnullinnıñ Ğaşiq bulasım kilä pyesası täqdim iteläçäk.

Gölnaz İlgizär

XS
SM
MD
LG