Accessibility links

шимбә, 10 декабрь 2016, Казан вакыты 08:10

Wäliulla Yaqub Tatarstanda möfti wazifasın beterügä qarşı


Tatarstan möselmannarı Diniä näzaräte räiseneñ berençe urınbasarı Wäliulla Yaqub berençe bulıp Rusiädä vitse-prezident wazifasın kertü turında üz fikerlären äytte.

Rawil Gaynetdinnıñ Prezident urınbasarı wazifasın kertügä bez qarşı, çönki ul bezgä törle problemalar kiterep çığarırğa mömkin. Belüebezçä kübese bezneñ yaqlı tügel. Ul wazifanı kertsäk konstitutsiä üzgäräçäk. Häm bezgä zıyanğa bulırğa mömkin.

Xäzerge waqıtta möselmannar 3 möftiätkä bülengän. Anıñ berse Mäskäwdä, ikençese Ufada, ä öçençese Ton'yak Kavkazda.

1992 yılda Aurupa öleşendäge möselmannar Diniä näzaräte küp öleşlärgä bülengän ide. Qayber farazlar buyınça alar 40ка yaqın buldı. Häm şular üzara ike üzäkkä ayırıldı. Beräwläre Mäskäwdä Rawil Gaynetdinga, ä ikençeläre Ufada urnaşqan Tälğät Tacetdinnıñ Rusiä möselmannarınıñ üzäk diniä näzarätenä qarıy başladılar. Xäzer älege üzäklärne berläşterü turında süzlär bara. Ämma bu törle qarşılıqlar kiterep çığarmasmı. Bu xaqta Wäliulla xäzrät

Bezdä östän quyılmıy möfti. Şuña nizaxlar kiterep çığarmayaçaq. Xalıq üze saylıy.

Rusiädä ber genä möselmannar üzägen qaldıru ideyäse belän çıqqan

Rusiä Möftilär Şurası räise Rawil Gaynetdin şulay uq ber genä möfti qalırğa tieş digän fiker belän çığa. Ä töbäktäge möftilär imam dip atalırğa tieşlegen äytä. Wäliulla xäzrät monı Soğud Gärabstanına oxşatıp eşläw di. Ämma andağı qaraşlar bezneke belän turı kilmäwen äytä.

Bezgä Soğud Gäräbstanı tügel, ä Törkiä ısulı turı kiläçäk. Çönki ul da dönyawi däwlät.

Wäliulla xäzrät möselmannarnı ber möftiyatkä quşu uñışlı bulaçaq. Berdäm bulırğa yärdäm itäçäk dide. Kübräk şul mäs’älägä tuqtalırğa kiräk, ä ayırım wazifalar bülü buyınça aşıqmasqa dide. Şulay uq Rusiä pravoslav çirkäwe patriarxı Aleksiy İİ ne böten dönyada xörmät itülären belderde. Ägär möselmannar da berläşep, aqıllı citäkçe saylasalar da ixtiramğa kübräk layıq bulaçaqların äytte.

Monnan tış matbuğat oçraşuında jurnalistlarnı yaqınlaşıp kilüçe Ramazan ayı qızıqsındırdı. Wäliulla xäzrät sişämbe qoyaş bayığannan soñ berençe täräwix uqılaçağın äytte. Uraza 5нче oktäberdä başlanıp 3 noyäberdä tämamlanaçağın belderde. Düşämbe Tinçurin teatrında Gabdelxäbir xäzrät Yärulinnıñ 100 yıllığına bağışlanğan yubiley kiçäse uzaçağın häm anda Ramazanğa bağışlap wäğäz uqılaçağın assızıqladı. Gabbdelxäbir xäzrät 1964 yıldan 1994 yılğa qädär ul yıllarda berdänder bulğan Märcäni mäçete imamı bulıp torğan.

Tatarstan möselmannarı diniä näzaräte räise Ğosman İsxaqinıñ sälämätlege belän qızıqsınğan jurnalistlarğa, möftineñ bernindi sınğan urını bulmawın, üzen yaxşı xis itüen äytte. Düşämbe reanimatsiädän ğomum palatağa küçerelergä tieşlegen belderde.

Landış Xarrasova.

XS
SM
MD
LG