Süz Şaran rayonı gäziteneñ baş möxärrire urınbasarı Fail Äxmätşin turında bara. Anı respublika Prezidentı saylawlarında Rälif Safin faydasına eşlägäne öçen wazıyfasınnan buşatqan idelär. Nihäyät, ike yılğa yaqın mäxkämäläşä - mäxkämäläşä ul ciñügä ireşte. Tuymazı şähäre mäxkämäse anı wazıyfasına qaytarırğa, eşennän alınğan çor öçen xezmät xaqın tülätergä digän qarar çığardı. Fail üze bu ciñüen rayonğa yaña bilgelängän xakimiät citäkçese belän bäyli. Mäxkämägä qädär ul anıñ belän söyläşkän häm ğädellek öçen Strassburgqa qädär barıp citäçägen häm monıñ Başqortstan abruyı faydasına bulmayaçağın beldergän bulğan.
Süz Stavropoldä xezmät itkän Andrey Sıryakov turında bara. Ul xärbi öyränüdä mina şartlawğa eläkkän ide. Şartlawda ike xärbi ülgän, şularnıñ berse Ufadan çaqırılğan Sergey Safonov. Safonovnı Ufağa alıp qaytıp cirlädelär. Sıryakovnıñ tuğannarı yegetne Ufağa alıp qaytıp däwalaw xästären kürä başladı.
