Accessibility links

"Möstäqillek aqsa menän ülsänmäy"


Däwlät Yıyılışı-Qoroltay räyese Konstantin Tolkaçev äytewensä, bıyıl da respublika könö xalıq bayramı bularaq bildälänäsäk. Başqortostandıñ iqtisadi qewäten mömkin tiklem xalıq xujalığı, xalıq ösön käräkle obyekttar töźöü ösön fayźalanıp qalırğa käräk. Ğäźättägesä, Öfölä häm başqa qalalarźa kümäk xalıq qatnaşlığında törlö saralar ütkäreläsäk. Möstäqillekteñ 15 yıllığın Başqortostan xalqı, şulay itep, bıyıl bik źurźan bayram itergä äźerlänä. Bıl miźaldıñ berense yağı.

Älegä bıl saralarğa küpme aqsa totonolasağı turahında xäbär itelmäy. Ämmä räsmi belderewźärgä qarağanda, möstäqillek aqsa menän ülsänä torğan däwmäl tügel. Däwlät Yıyılışı-Qoroltay prezidiumı şişämbe üźeneñ sirattağı ultırışında 2006 yılğa qaźna proektın tikşerźe. Başqortostan parlamentı deputattarı kilähe yılğa la budjettıñ awır bulasağın tanırğa mäjbür. Bıltır Respublika tarixında täwge tapqır sığımdar kilemdärźän artıp kitkäyne. Isın möstäqillek yıldarında respublikala yıyılğan halımdarźıñ baytaq ölöşö respublikala qala torğaynı. Xäźer 72% halım Mäskäwgä kitep tora. Bıl inde miźaldıñ ikense yağı.

Şuğa qaramastan, kilähe yılğa budjetta mäğärifqa sığımdarźı 7, mäźäniätkä 1, hawlıq haqlaw häm sportqa 3 yarım, sosial ölkägä 1 yarım prosentqa arttırıu qarala. Federal qaramaqtan respublika qaramağına küserelgän hönäri uçiliçelarźı iğänäläwgä lä respublika aqsa tapqan - ularğa 1 milliard hum bülenä. Älegä bıl yaqınsa handar. Däwlät yıyılışı-Qoroltay ultırışında töźätmälär inderelewe lä bik tä ixtimal.

Şulay itep, Başqortostan bayram mäşäqättäre menän yäşäy. Respublika başı tañ harıhı menän Salawat qalahına urındağı Salawatnefteorgsintez şirqätendä ber nisä obyekt asırğa yullandı. Ularźıñ barıhı la şul respublika könönä töbäp asıla inde. Xäbär itelewensä, yañı liniälar şirqätteñ yeteşterew qewättären arttırırğa bulışlıq itergä teyeş.
XS
SM
MD
LG