Accessibility links

сишәмбе, 6 декабрь 2016, Казан вакыты 23:05

"Yağıulıq" tigän maxsus operasia ütkärelä


Respublika eske eştär ministrlığı xeźmätkärźäre unıñ siktärendä yenäyätsel ike törkömdö qulğa alğan. Bıl turala ministrlıqtıñ matbuğat xeźmäte yetäksehe Ruslan Şäräfetdinov xäbär itte. Öktäberskiy qalahında yäşäwse ike keşe yıl başınan 600 tonna neft seymalı urlağan. Milisia xeźmätkärźäre ularźı neft seymalın Tatarstanğa alıp sığıp kitep barğanda qulğa alğan. Ularźıñ berehe Başneft şirqäteneñ elekke operatorı bulıp sıqqan. Belges neft urlaw ösön torbalarźı tişep tormağan, neft ütkärgesteñ asıq urındarında yanğın hünderew şlanğın qullanğan. Bıl yulı milisia neft hatıp alıusını la qulğa alğan. Ul Tatarstandağı ber neft kompaniahı direktorı. Äle qulğa alınıusılar waqıtlısa izolyatorğa ultırtılğan. Ularğa 1 million hum ştraf häm 10 yılğa tiklem irkenän mäxrüm itew yanay. Öfö rayonında Irımbur-Salawat-Öfö ütkärgesennän gaz kondensatı urlağan maşina totolğan. Qarañğı töşkäs, burźar magistraldeñ stansiahında sisternanı 20 minut esendä tultırğan. Här reys ösön maşína yörötöüsegä burźar 10 meñ hum tülägän.

Rämzit Abulayev, Öfö

XS
SM
MD
LG