Accessibility links

шимбә, 3 декабрь 2016, Казан вакыты 16:50

Tobolda "Xiz-but Täxrir" äğzaları xökem itelde


7 yegetne törle yıllarğa ireklärennän mäxrüm ittelär. Barı tik berse genä, cinayät qılğan waqıtta baliğ bulmağanlıqtan, törmägä utırmıyça 25 meñ sum ştraf tülärgä tieş. Ekstremist oyışma eşçänlegen cäyelderüdä, terror ğämälläre oyıştıruğa taba eşçänlek alıp baruda ğäiplänep bu oyışmanıñ töbäktäge başlığı Marat Säybattalov häm Rail Wälitov 6 yılğa; qalğannar biş yarım, dürt yarım häm ber yılğa ireklärennän mäxrüm buldı.

“Xiz-but Ättäxrirnıñ” Tobol törkeme 2004 yılnıñ yünendä Rusiä iminlek xezmäteneñ Tömän ölkäsendäge idaräse häi ölkä prokuraturası xezmätkärläreneñ maxsus operatsiäse waqıtında qulğa alınğan ide. Tikşerü eşe ber yılğa yaqın däwam itte. Annan soñ mäxkämä başlandı. Soñğı öç aydağı utırışlarğa ber kemne dä kertmädelär. Yabıq buldı.

Tıñlawçılarıbız xäterläsä, yegetlär qulğa alınğaç ta, ictimağıy oyışma wäkilläre, islam dine tarafdarları, bu oçraqta Rusiäneñ Aziä öleşe möselmannarı qazıyate, Tobol şähäreneñ imam xatibı, xalıqara xoquq yaqlaw oyışmalarınıñ Rusiädäge wäkillekläre yegetlär yağına basqan ide.

Mäxkämä qararı çıqqaç yaqlawçılarnıñ berse: “Ber ni dä eşlätep bulmıy, bu säyäsi ğämäl. Yegetlär qızğanıç”,- dip üz fikeren belderde.

XS
SM
MD
LG