Accessibility links

дүшәмбе, 5 декабрь 2016, Казан вакыты 23:46

“Tatnet 2005” yoldızların qabızdı


Respublikanıñ “Tatmedia”mäğlümat agentlığı ütkärgän “Tatnet yoldızları – 2005” bäygeseneñ ciñüçeläre açıqlandı. Äydägez xäzer alar belän tanışıp kitik. Dimäk, “Qazanğa 1000ел” nominatsiäseneñ nominantları: “1000 yıllıq tasması”, “Qazan arxitekturası”, “İske Qazan”, “ Qazan tarixı” isemle mädäni-mäğrifät gäcite häm “Qazan – Tatarstan başqalası” saytları.

Başqa nominatsiälärne däwam itsäk “Tatar dönyası”isemenä layıq buluçılar: “Duslar”- tatarça bäysez internet säxifäse, “Tatarlar.ru” bötendönya tatarlarınıñ internet çeltär aşa oçraşu üzäge. Şulay uq tatarlar turında tulı mäğlümat birüçe “Tatarica”, “Qırım tatarları”, “Peterburg tatarları” mäğlümäti - analitik internet säxifäläre.

“Tatarstan respublikası” nominatsiäse qanatı astına TRnıñ elemtä häm mäğlümätläşterü ministıyrlığınıñ räsmi internet bite, AvtoKazan.RU, Tatarstannıñ elemtä üseşen çağıldıruçı – Sotnya.RU, “Uniks” basketbol klubı saytları, Qazan häm Yäşel üzän şähärläreneñ internet säxifäläre kerdelär.

“Tatarstan respublikası MMÇ”- digän nominatsiäsendä ciñügä Tübän Qama şähäreneñ räsmi internet bite, “Tatar-inform” mäğlümat agentlığı layık buldı. Şulay uq alarğa “Qazanskie wedomosti”, “Vremya i dengi” gäcitläreneñ saytları häm “Quray” radiosınıñ internet säxifäse östälde.

Ä “Zainsk. RU” – Zäy şähäreneñ internet säxifäse, “Ural tatarları”, “Tatar köyläre – tatarça qaraoqelar”, alarğa östäp “Tatarstanda balıq totu” häm Rossiäneñ xalıqlar duslığı universitetı belän berlektä yasalğan “Qärdäşlek” saytları “Tatnet yoldızları 2005” bäygeseneñ “Xobbi”dip atalğan nomenatsiäsendä ciñü yawladılar.

Tatar radiosı”nıñ internettağı säxifäse, Ästerxan tatarlarınıñ internettağı bitläre, şulay uq “Tatar – inform”, “Quray” radiosı, “Sabantuy” - balalar häm yäşüsmerlär gäciteneñ saytı “Tatarça massaküläm mäğlümat çaraları” nominatsiäsendä ciñüçelär buldılar.

Mäşhür şağirebez Tuqay : “İ tuğan tel, i matur tel. Ätkäm – änkämneñ tele!”digän. Ä “Tatnet yoldızları” alay uq suzıp tormıyça soñğı nominatsiäne “Tuğan tel” dip kenä bilgelilär häm ozaqlamıy ciñüçeläre dä tabıla. Alar isä, aldağı nominatsiälärdä äytelgän “Qärdäşlek”neñ internet bite, “Tatar - rus on-line süzlege”, şulay uq “Tatarça internet – kibet”, “Tatarça soft” häm Çexiä tatarlarınıñ “Cexia tatarları – tatar.cz”saytları buldı.

Röstäm İsxaqi.

XS
SM
MD
LG