Accessibility links

җомга, 9 декабрь 2016, Казан вакыты 01:09

Chirac Yewropa Berlegenä quşılu öçen Törkiä zur mädäni inqilab kiçerergä tieş di


Fransiä prezidentı Jacques Chirac bügen tağın ber märtäbä Törkiäneñ Yewropa Berlegenä quşıluın yaqlawın belderde. Şul uq waqıtta Ankara äğzalıq taläplärenä turı kilü öçen zur mädäni inqilab kiçerergä tieş dide. Chirac bügen Parisda jurnalistlarğa äğzalıq söyläşüläre däwam itkändä Törkiä üz qanunnarın Yewropa Berlege standardlarına yaraqlaştıru öçen kiräk bulğan böten närsäne eşlärgä tieş dide. Kiçä Yewropa Berlege Törkiä belän äğzalıq söyläşülären başladı. Törkiä premyer ministrı Recep Tayyip Erdogan bügen ul söyläşülärneñ açıluın böyek köräşneñ başı dip atadı. Ul, reformalar qıyın bulaçaq, ämma maqsat Törkiäneñ demokratik, irekle häm tärräqqi illär arasında urın aluı dide. Tışqı eşlär ministrı Abdulla Gül ikegä bülengän Qıbrız utrawında daimi tınıçlıq kileşüenä ireşelmi torıp törkiäneñ Qıbrız mäs'äläsendä pozitsiäse üzgärmiäçäk dide. Yewropa Berlege Törkiäneñ utrawdağı xalıqara tanılğan grek kiprion xökümäten tanuın teli.

XS
SM
MD
LG