Başta şunı açıqlıyq – kemgä Zulya, ä kemgä Zölfiä?
Zölfiä: "Zölfiä bik matur isem inde ul, läkin Awstraliädä häm başqa illärdä anı döres itep äytmilär. "Zulfia", "Zalfia", dilär häm bu miña oşamıy. Şuña kürä çit illärdä çığış yasağanda min – Zulya. Läkin kemder matur itep "Zölfiä" dip äytä ala ikän – bik yaxşı."
Dresdenda Zölfiä Kamalova häm "Metro Balaların" tıñlarğa 300läp keşe, küpçelege almannar cıyılğan ide. Törkemneñ bu şähärgä ikençe säfäre ikän inde. Bu turnenıñ maqsatı – yaña rus telendäge "Buşlıq Valsı" ("The Waltz Of Emptyness") dip isemlängän albomnı täqdim itü ide... Berençe yartı säğät xalıqta ber nindi dä xis, toyğılar yuq ide kebek. Almannar üzlärenä xas itäğätlelek belän ülçäp kenä qul çabıp utırdı. Konsertnıñ başında uq bügen tatar cırları da cırlanaçaq dip äytep quyılğan ide, häm Zölfiä berençe tatar cırın xalqıbıznıñ Ramay köyen – yartılaş rusça, yartılaş tatarça başqardı, añarçı tatar köyläreneñ rus muzıkasınnan ayırıluı turında da qısqaça äytep ütte....
Berençe çıp-çın alqışlaw Ramay köyennän soñ bulğandır, köy almannarğa oşadı. Şunnan soñ tağın "Ay canıy, way canıy", "Canım jäl tügel siña" kebek xalıq moñnarı, Zölfiä üze tatarça icat itkän cırlar başqarıldı. Yaña albomda da cırlarnıñ kübesen Zülfiä, qayberlären Andrew Tanner icat itkän, Andrew küpmeder waqıt Mäskäwdä yäşägän, Qazanda berençe tapqır çığış yasağan bulğan:
Andrew: "Bez başqarğan tatar cırları – alar bik xalıqçan, xalıq cıyılğan cirdä cırlıy torğan cırlar, şuña alar küñelle. Bez monda älbättä rus telendäge yaña albomnı täqdim itergä kildek, ämma tatar cırların da bik teläp cırlıybız."
Azatlıq tıñlawçılarına närsä äytergä teliseñ digän sorawğa, Andrew, "kiläçäktä Qazanda yä başqa cirdä tatar tamaşaçısı aldında çığış yasarğa ömet itäbez"... bu Zölfiä Kamalova belän bergä cırlar icat itüçe Awstraliälı Andrew Tanner ide...
Kön sayın yaña ildä, yaña şähärdä konsert birgändä sine tıñlarğa kilüçelär belän oçraşu tügel – uylarğa köç xäl häm teläk qalamı? Zölfiä konserttan soñ tamaşaçılar yanına çığıp disklarğa häm üze töşkän räsemnärgä qul quydı, teläp böten sorawlarğa cawap birde, aldağı tönne yulda uzdırıp yoqı az eläkkänne dä sizdermäde.
A: Zölfiä, bügenge konsert oşadımı üzeñä?Z: Oşadı, Dresdenda xalıq ikençeläy kürsätä räxmäten. Şundıy tınıç qına utıra ide başta. Bez belmädek – niçek qarşı alırlar? Soñınnan bik yaxşı qarşı aldılar. A: Qazanda niçek ide? Z: Qazanda bik yaxşı ide, bez bit anda gel çığış yasap tormıybız bit inde, Awstraliä malayları belän. Bik küñelle buldı, dip uylıym. A: Zölfiä, sin moñsu cırlar cırlıysız, läkin üzeñ bik şatlıqlı, bäxetle kebek kürenäseñ säxnädä. Sin bäxetleme? Z: Min üzemne bäxetle dip uylıym. A: Törkemneñ iseme "Metro Balaları", cırlarıñda da – "min kitäm, metro, yörtsız, sağınu" kebek süzlär bar. Bolar sineñ eçke xäläteñne çağıldıramı? Z: Menä şul, urısça albom inde şularnı kürsätä. Awstraliädä, Rosiädä, üzemneñ qayda torğannı belmim min. Yörim menä Yevropalarda. Qayçağında menä şundıy xäl bula. A: Bu xäldä räxätme siña? Yäisä ezliseñme? Z: Menä şuña küräm min aña ber cawap yasarğa telim, menä şunıy cır çığarıp. Miña şular yärdäm itä. Sezgä uñışlar telim, ber Pragağa barırğa da mömkinlek bulır dip uylıym. A: Räxmät!
Udmurtiäneñ Sarapul şähärendä tuğan, xäzer Awstraliädä yäşäp icat itkän tatar cırçısı Zölfiä Kamalova öçen çiklär yuq – ul eçke xäläten häm tuğan yaq moñnarın üz icatında çağıldıra...
Alsu Qormaş, Praga-Dresden
Zölfiä: "Zölfiä bik matur isem inde ul, läkin Awstraliädä häm başqa illärdä anı döres itep äytmilär. "Zulfia", "Zalfia", dilär häm bu miña oşamıy. Şuña kürä çit illärdä çığış yasağanda min – Zulya. Läkin kemder matur itep "Zölfiä" dip äytä ala ikän – bik yaxşı."
Dresdenda Zölfiä Kamalova häm "Metro Balaların" tıñlarğa 300läp keşe, küpçelege almannar cıyılğan ide. Törkemneñ bu şähärgä ikençe säfäre ikän inde. Bu turnenıñ maqsatı – yaña rus telendäge "Buşlıq Valsı" ("The Waltz Of Emptyness") dip isemlängän albomnı täqdim itü ide... Berençe yartı säğät xalıqta ber nindi dä xis, toyğılar yuq ide kebek. Almannar üzlärenä xas itäğätlelek belän ülçäp kenä qul çabıp utırdı. Konsertnıñ başında uq bügen tatar cırları da cırlanaçaq dip äytep quyılğan ide, häm Zölfiä berençe tatar cırın xalqıbıznıñ Ramay köyen – yartılaş rusça, yartılaş tatarça başqardı, añarçı tatar köyläreneñ rus muzıkasınnan ayırıluı turında da qısqaça äytep ütte....
Berençe çıp-çın alqışlaw Ramay köyennän soñ bulğandır, köy almannarğa oşadı. Şunnan soñ tağın "Ay canıy, way canıy", "Canım jäl tügel siña" kebek xalıq moñnarı, Zölfiä üze tatarça icat itkän cırlar başqarıldı. Yaña albomda da cırlarnıñ kübesen Zülfiä, qayberlären Andrew Tanner icat itkän, Andrew küpmeder waqıt Mäskäwdä yäşägän, Qazanda berençe tapqır çığış yasağan bulğan:
Andrew: "Bez başqarğan tatar cırları – alar bik xalıqçan, xalıq cıyılğan cirdä cırlıy torğan cırlar, şuña alar küñelle. Bez monda älbättä rus telendäge yaña albomnı täqdim itergä kildek, ämma tatar cırların da bik teläp cırlıybız."
Azatlıq tıñlawçılarına närsä äytergä teliseñ digän sorawğa, Andrew, "kiläçäktä Qazanda yä başqa cirdä tatar tamaşaçısı aldında çığış yasarğa ömet itäbez"... bu Zölfiä Kamalova belän bergä cırlar icat itüçe Awstraliälı Andrew Tanner ide...
Kön sayın yaña ildä, yaña şähärdä konsert birgändä sine tıñlarğa kilüçelär belän oçraşu tügel – uylarğa köç xäl häm teläk qalamı? Zölfiä konserttan soñ tamaşaçılar yanına çığıp disklarğa häm üze töşkän räsemnärgä qul quydı, teläp böten sorawlarğa cawap birde, aldağı tönne yulda uzdırıp yoqı az eläkkänne dä sizdermäde.
A: Zölfiä, bügenge konsert oşadımı üzeñä?Z: Oşadı, Dresdenda xalıq ikençeläy kürsätä räxmäten. Şundıy tınıç qına utıra ide başta. Bez belmädek – niçek qarşı alırlar? Soñınnan bik yaxşı qarşı aldılar. A: Qazanda niçek ide? Z: Qazanda bik yaxşı ide, bez bit anda gel çığış yasap tormıybız bit inde, Awstraliä malayları belän. Bik küñelle buldı, dip uylıym. A: Zölfiä, sin moñsu cırlar cırlıysız, läkin üzeñ bik şatlıqlı, bäxetle kebek kürenäseñ säxnädä. Sin bäxetleme? Z: Min üzemne bäxetle dip uylıym. A: Törkemneñ iseme "Metro Balaları", cırlarıñda da – "min kitäm, metro, yörtsız, sağınu" kebek süzlär bar. Bolar sineñ eçke xäläteñne çağıldıramı? Z: Menä şul, urısça albom inde şularnı kürsätä. Awstraliädä, Rosiädä, üzemneñ qayda torğannı belmim min. Yörim menä Yevropalarda. Qayçağında menä şundıy xäl bula. A: Bu xäldä räxätme siña? Yäisä ezliseñme? Z: Menä şuña küräm min aña ber cawap yasarğa telim, menä şunıy cır çığarıp. Miña şular yärdäm itä. Sezgä uñışlar telim, ber Pragağa barırğa da mömkinlek bulır dip uylıym. A: Räxmät!
Udmurtiäneñ Sarapul şähärendä tuğan, xäzer Awstraliädä yäşäp icat itkän tatar cırçısı Zölfiä Kamalova öçen çiklär yuq – ul eçke xäläten häm tuğan yaq moñnarın üz icatında çağıldıra...
Alsu Qormaş, Praga-Dresden
