Accessibility links

җомга, 9 декабрь 2016, Казан вакыты 05:03

Putinneñ Londonğa säfäre näticäläre


Rusiä prezidentı Putin Britaniä premiere Blair belän oşraşıp söyläşte. Alar sävdä , anti-terror häm başqa mäsälälärne tikşerdelär. İke aradağı xezmättäşlek täräqqi itsä dä, Mäskävneñ Ändijan vazğiäsen tikşerügä qarşı çıqqan Üzbäkstan xökümäten yaqlauı häm İrannıñ atom programması mäsäläsendä citdi ayırmalıqlar da bar.

Kiçä Rusiä-Yevropa Berlege summitı bulsa, bügen Rusiä-Britan summitı uzdı. Blair belän Putin bu märtäbä ikeyaqlı mönäsäbätlärgä qarağan temalarnı tikşerdelär. İke il arasındağı sävdä 2003-nçe yıl belän çağıştırğanda uzğan yılda 43 protsentqa artqan, 9 miliard dolarğa citkän. Putin belän Blair oçraşudan soñ anti-terror mäsäläsendä xezmättäşlekne kiñäytünı küz aldında totqan urtaq belderü dä iğlan ittelär. Putin şulay uq berençe çit il dävlät başlığı bularaq Cobra dip atalğan yabıq üzäktä dä buldı. Bu üzäk Londonda bulğan şartlaulardan soñ buldırıldı. Anda terror häm başqa ğädättäntış xällärdä törle organarnıñ eşçänlege koordinatsiälänä. Äyye, Rusiä belän Britaniä häm älbättä, Putin belän Blair arasındağı mönäsäbätlär yaxşı. Läkin, bu äle ike il häm Rusiä belän Yevropa Berlege arasında här närsä al da-göl digän süzne añlatmıy. Rusiäneñ İranğa atom programmasın täräqqi itterüne yardäm itüe problemmaları mäsälälärneñ berse. Könbatış İran atom programmasın tik tınıç maqsätlär öçen genä tügel, ä üzeneñ atom qoralların eşläp çığaru öçen dä faydalana dip şiklänä. Rusiä İranğa berençe atom eletrstansiäsen tözügä yardäm itä. Mäskäv şulay uq Yevropa Berlegeneñ İrannıñ atom programması BMOsı İminlek Şurasında tikşerelsen digän telägen dä kire qaqtı. Mäskävdäge AQŞ-Kanada İnstitutı mödireneñ urınbasarı Viktor Kremenyuq, Kremlneñ İran mäsäläsendäge pozitsiäsen radiobıznıñ Mäskäv xäbärçesenä bolay dip añlattı.

Audio

"Bez İran belän atom ölkäsendäge mönäsäbätlärebezgä berävneñ dä tıqşınuın telämibez. Bez İran belän kileşü tözedek, aña atom programmasın täräqqi itüenä yardäm itäbez. Bu bezneñ öçen bik möhim, çänki başqa bazarıbız qalmadı. här närsä tözelgän kileşülärgä esasän eşlänä."

Rusiä şulay uq Ändijan mäsäläsendä Üzbäk xökümäteneñ totqan pozitsiäsen yaqlauı beländä Yevropa Berlegen açulandırdı. Mäskäv Yevropa Berlegeneñ May ayında Ändijanda bulğan vazğiälär turında bäysez tikşerülär ütkärergä çaqıruın kire qaqtı. Keremenyuk bu mäsälädä dä Rusiäneñ pozitsiäsen bolay dip añlattı.

Audio

"Rusiä Üzäk Aziädä üz täiren saqlap qalırğa teli. Ul Ändijan vağiğälären tikşerü öçen komissiäneñ tözelüenä qarşı çıqtı. Ul bu Üzbäkstannıñ eçke eşe dip xisaplıy häm anıñ belän Üzbäkstan üze şäğellänergä tieş digän fikerdä."

Putin Tın Okenanıda Rusiä suastı köymäsen qotqatu eşendä qatnaşqan Britannarnı medal belän dä büläkläde.

Ferit İdelle, Praga.
XS
SM
MD
LG