Accessibility links

Кайнар хәбәр

Ekologia komitetı Atom stansiäsen tözügä qarşı


Tağın ber ekologiägä qağılışlı xäbär. İnde soñğı arada Tatarstanda Atom stansiäse tözü ixtimalı turında häm Qama yılğasında su bieklegen kütärü xaqında küp xäbär buldı. İsegezgä töşeräbez, atom stansiäsenä qarşı da, su kütärelügä dä küp kenä ictimaği oyışmalar qarşı çıqtılar. Tatarstan parlamentınıñ “Tatarstan - Yaña ğasır” fraksiäse soñraq bu oyışmalarğa quşıldı. İnde parlamentnıñ Ekologiä komitetı da, küpçelek tawış belän, atom stansiäsen tözügä, su bieklegen kütärügä qarşı çıqtı. Deputatlar üzläre ük berençe uqılışta Tatarstannıñ aldağı biş yılğa sotsial' – iqtisadıy üseş programmasın raslağannar ide. Älege programmada näq menä, Atom stansiäse tözü ixtimalı da, Qamadağı su bieklegen kütärü mä’säläse dä qaralğan. Küräseñ, deputatlar programmanı yaqlap tawış birgäç kenä närsä eşlägännären añlağannar. Xäzer qarşı çığalar. Ekologiä komitetı utırışında, atom stansiäse tözelergä tieşle cirneñ moña yaraqlı bulmawı da äytelde.

Räfis Cämdixan

XS
SM
MD
LG