Accessibility links

якшәмбе, 11 декабрь 2016, Казан вакыты 07:21

Marat Safin Şäymiev belän oçraştı


Marat Safin belän oçraşuı 1 säğätkä soñarıp başlandı. Kremldä, räsmi söyläşep utırğança, tanılğan tennisçı häm anıñ ätise Kreml’ne qarap yörgän ikän. Qol Şärifkä kerep qarağan, Blagoveşenie soborı belän tanışqan. Prezident belän oçraşuğa jurnalistlarnı kertmädelär. Soñınnan mäğlümat çaraları wäkillärenä yanına çığıp, Mintimer Şäymiev häm Marat Safin sorawlarğa cawap birdelär.

Marat Safin üze sezneñ alda tora, dip başladı süzen Prezident. Bügenge oçraşunı ul küptänge küreşü teläge belän añlattı. Marat Safin häm Dinar da tanılğan sportçılar, Maratnıñ äti-änise dä tennis ostaları, dip tanıştırdı ul. Tatarstanda tennisnı üsterü, dönyağa tanıtu turında 2 säğät buyı söyläştek dide ul. Audio.

Marat Safin tennis mäktäbendä citäkçe urınğa qaluı turında äytmäde, barı buldırğança balalarğa yärdäm itärmen dide. Añğa tatar bulu sezneñ öçen närsä, dip soradılar. Ul sırlap,maturlar äytep tormıym, küptän cıyınğan idek, menä kildek, dip cawap birde. Oçraşudan soñ, Marat Safinnı ber tuqtamıy räsemgä töşerdelär, ul üze dä, Kreml’ne räsemgä töşerep yörde. Şul arada, Marat Safinnıñ ätise Möbin Safin belän söyläşep aldıq. Ul bezgä, Qazanğa kilüenä bik şat buluın äytte, häm ulı Maratnıñ Qazanğa kilep nindi xalıqtan tamırları añlağandır dide.

Möbin Safin barlıq Azatlıq tıñlawçıların, Ramazan ayı başlanuı belän qotladı. Möbin Safinnıñ äytüenä qarağanda, anıñ ätise Älämşa Uraza tota häm alar babaynı Ramazan kilüe belän äle qqotlağannar. Marat Safin ätise häm ğäilä dusları belän «Tuğan awılım» kompleksında köndezge aş aşağannar. Qazanda Safinnarnıñ bulğanı yuq häm bezgä monda oşadı, dide Möbin Safin.

Bikä Timerova

XS
SM
MD
LG