Qazannıñ meñyıllığı uñayınnan Tatarstannıñ Törkiädäge tulı wäqalätle wäkilçelege tarafınnan oyıştırılğan fotosürät kürgäzmäse monarçı İstanbul, Eskişehir häm Antalya şähärlärendä täqdim itelde. Ankara Däwlät räsem häm häykäl muzeyındağı Tatarstan kürgäzmäseneñ açılışı uñayınnan tantana oyıştırıldı. Tantanada Tatarstannan premyer-ministr berençe urınbasarı häm mädäniät ministrı Zilä Wälieva, Törkiä yağınnan Mädäniät häm turizm ministrı Atilla Koç, Finans ministrı Kemal Unakıtan häm däwlät ministrı Beşir Atalay qatnaştı.
Tatar häm törek räsmi zatları biredä yasağan çığışlarında ike xalıqnıñ qardäşlege häm duslığınıñ ähämiätenä basım yasap, Tatarstan häm Törkiä arasındağı elemtälärneñ tağın da kübräk üseş aluın teläde. Soñınnan Mädäniät ministrı Zilä Wälieva tantanada qatnaşqan törek ministrlarına “Qazannıñ meñyıllığı istälegenä” medallären tapşırdı. Tatarstannıñ bu olı bülägen räxmät süzläre belän qabul itep alğan törek ministrlarınıñ öçeseneñ dä räsmi säfär belän Tatarstanda bulğannarı bar.
Tatarstan mädäniät ministrlığı, TÜRKSOY oyışması, Tatarstannıñ Törkiädäge tulı wäqalätle wäkilçelege häm Rusiä Federatsiyäseneñ Törkiä ilçelege tarafınnan oyıştırılğan tantanada Tatarstannan “Yaña muzıka” ansamble kiçädä qatnaşuçılarğa tatar cır-moñnarın täqdim itte.
“Qazannıñ menyıllığı istälegenä” medalena layıq buluçılar arasında millättäşlärebez dä bar ide häm aldan äytelgän programmaga kürä bu medallär tantana waqıtında tapşırılırğa tiyeş ide. Bu uñaydan kürgäzmäne açu tantanasına Törkiädäge barlıq tatar cämğiätläreneñ citäkçeläre (şul isäptän Eskişehir häm Kütahya qalasınnan da), böten ğomerlären tatar xalqınıñ üseş aluına bağışlağan millättäşlärebez dä çaqırıldı. Fäqät nişläpter medal barı tik Bötendönya tatar ligası räise Gönül Pultarga ğına birelä alındı.
Nindider säbäplär arqasında tatarlarğa bireläçäk medallärneñ çärşämbe kiçen Ankaradağı tatar cämğiäte binasında ütkärelüçe kiçädä tapşırıluı qararına kilengän. Bu da tabiği bularaq millättäşlärebezneñ rizasızlığına yul açtı. Äytik, yıllar buyı kürenekle ğalimnär Äxmät Timer, Mahmut Tahir kebek şäxeslär belän bergä eşläp, alarnıñ yärdämçese bulğan Säidä xanım Arslanbek tatarlarğa diyelgän medallärneñ räsmi tantana waqıtında birelmiçä, tatar cämğiäte binasında barı tik tar ber dairädä genä tapşırılunıñ Törkiädä yäşäwçe tatarlarnıñ xezmäten häm öleşen kimsetü bularaq bäyäläde häm medalne aludan baş tarttı. Citmäsä, millättäşlärebezgä ”Sezgä medallärne tapşırabız” dip maxsus xäbär birelep çaqıru da yasaldı. Häm tantanağa awırularına qaramastan olı yäştäge abıy-apalar da kilgän ide. Bu mäs’älädä, programmadağı üzgäreşneñ säbäbe mäs’äläsendä bernindi açıqlawnıñ yasalmawına da millättäşlärebez räncede.
Tatarstan premyer-ministrı berençe urınbasarı, mädäniät ministrı Zilä Wälievanıñ çärşämbe könge programmasında isä Ankaranıñ tarixi urınnarı belän tanışu, TÜRKSOY oyışması tarafınnan oyıştırılğan Azärbaycan miniatür kitaplar kürgäzmäseneñ açılış tantanasında qatnaşu häm Ankaradağı tatar cämğiäte binasında millättäşlärebez belän oçraşu da bar.
Säğit Xäyri, Ankara
Tatar häm törek räsmi zatları biredä yasağan çığışlarında ike xalıqnıñ qardäşlege häm duslığınıñ ähämiätenä basım yasap, Tatarstan häm Törkiä arasındağı elemtälärneñ tağın da kübräk üseş aluın teläde. Soñınnan Mädäniät ministrı Zilä Wälieva tantanada qatnaşqan törek ministrlarına “Qazannıñ meñyıllığı istälegenä” medallären tapşırdı. Tatarstannıñ bu olı bülägen räxmät süzläre belän qabul itep alğan törek ministrlarınıñ öçeseneñ dä räsmi säfär belän Tatarstanda bulğannarı bar.
Tatarstan mädäniät ministrlığı, TÜRKSOY oyışması, Tatarstannıñ Törkiädäge tulı wäqalätle wäkilçelege häm Rusiä Federatsiyäseneñ Törkiä ilçelege tarafınnan oyıştırılğan tantanada Tatarstannan “Yaña muzıka” ansamble kiçädä qatnaşuçılarğa tatar cır-moñnarın täqdim itte.
“Qazannıñ menyıllığı istälegenä” medalena layıq buluçılar arasında millättäşlärebez dä bar ide häm aldan äytelgän programmaga kürä bu medallär tantana waqıtında tapşırılırğa tiyeş ide. Bu uñaydan kürgäzmäne açu tantanasına Törkiädäge barlıq tatar cämğiätläreneñ citäkçeläre (şul isäptän Eskişehir häm Kütahya qalasınnan da), böten ğomerlären tatar xalqınıñ üseş aluına bağışlağan millättäşlärebez dä çaqırıldı. Fäqät nişläpter medal barı tik Bötendönya tatar ligası räise Gönül Pultarga ğına birelä alındı.
Nindider säbäplär arqasında tatarlarğa bireläçäk medallärneñ çärşämbe kiçen Ankaradağı tatar cämğiäte binasında ütkärelüçe kiçädä tapşırıluı qararına kilengän. Bu da tabiği bularaq millättäşlärebezneñ rizasızlığına yul açtı. Äytik, yıllar buyı kürenekle ğalimnär Äxmät Timer, Mahmut Tahir kebek şäxeslär belän bergä eşläp, alarnıñ yärdämçese bulğan Säidä xanım Arslanbek tatarlarğa diyelgän medallärneñ räsmi tantana waqıtında birelmiçä, tatar cämğiäte binasında barı tik tar ber dairädä genä tapşırılunıñ Törkiädä yäşäwçe tatarlarnıñ xezmäten häm öleşen kimsetü bularaq bäyäläde häm medalne aludan baş tarttı. Citmäsä, millättäşlärebezgä ”Sezgä medallärne tapşırabız” dip maxsus xäbär birelep çaqıru da yasaldı. Häm tantanağa awırularına qaramastan olı yäştäge abıy-apalar da kilgän ide. Bu mäs’älädä, programmadağı üzgäreşneñ säbäbe mäs’äläsendä bernindi açıqlawnıñ yasalmawına da millättäşlärebez räncede.
Tatarstan premyer-ministrı berençe urınbasarı, mädäniät ministrı Zilä Wälievanıñ çärşämbe könge programmasında isä Ankaranıñ tarixi urınnarı belän tanışu, TÜRKSOY oyışması tarafınnan oyıştırılğan Azärbaycan miniatür kitaplar kürgäzmäseneñ açılış tantanasında qatnaşu häm Ankaradağı tatar cämğiäte binasında millättäşlärebez belän oçraşu da bar.
Säğit Xäyri, Ankara
