Accessibility links

сишәмбе, 6 декабрь 2016, Казан вакыты 13:18

Taciqstan oppozitsion partiäse üz citäkçesen törmädän çığaruda Waşingtonnan yardäm sorıy


Oppozitsion Taciqstan Demokratik Partiäseneñ räis urınbasarı Räxmätulla Wäliev partiä räise Mäxmätruzi İskändärov törmägä säyäsi säbäplär belän yabıldı dip Quşma Ştatlarnı bu mäs'älägä tışqınırğa çaqırdı. Kiçä yuğarı mäxkamä İskändärovnı terrorçılıqta häm aldaşu yulı belän aqça üzläşterüdä ğäyepläp 23 yıllıq törmä cäzası bilgeläde. Bügen Wäliev AQŞ däwlät sekretare Condoleezza Ricenı aldağı atnada Taciqstanğa kilgäç İskändärov mäs'äläsen kütärergä çaqırdı. "Bügen şuşı matbuğat oçraşuınnan faydalanıp min Rice xanımnan räsmi räweştä Taciqstan prezidentı, yäki Taciqstan parlamentı äğzaları, yäki yardäm itä alırlıq başqa şäxes belän oçraşularda bu mäs'äläne kütärüne sorarğa telim. Min Rice xanımnan demokratik il wäkile bularaq bu xälgä bäyä birüne häm bitaraf qalmawnı sorıym. Min anıñ moña citdi qarıyaçağına ışanam dide" Wäliev. Wäliev şulay uq Yewropada İminlek wä Xezmättäşlek Oyışmasında da, Yewropa Berlegenä dä möräcäğät itkänlege, ämma ul oyışmalardan bernindi cawap bulmağanlığı turında belderde.

XS
SM
MD
LG