Accessibility links

Кайнар хәбәр

Xäter köne bıyıl başqaçaraq uzaçaq


Qazannıñ 1000 yıllıq yubiley yılında milli cämğiätlär “Milli Şura” oyışmasına berläşep, Qazan xanlığınıñ 1552 yılda cimerelüen iskä alu niätennän “Xäter köne”n bıyıl başqaçaraq uzdırırga cıyınalar. Ämma anı uzdıru köne gädättägeçä, İrek mäydanında, 15 uktäberdä säğät 10.00 dа başlanuı qaralğan. Monıñ turında bezgä Xäter könen uzdıru komitetı räistäşe Räşit Yağfarov belderde. Alar bıyıl bar milli tatar ictimaği oyışmaları bergä cıyılışıp , kiñäşläşep: “Xäter köne”n bıyıl teatralläşterelgän tamaşa belän mädäni çaralar aşa ütkärergä,- dip qarar qılğannar. Anıñ inde senariy dä äzer ikän, küp kenä artistlar da qatnaşaçaq, - dide Räşit Yagfarov bu turıda.

Şulay uq Räşit Yağfarov bu şimbädä, yäğni, 8 uktäberdä BTİÜneñ uzaçaq Plenumı turında da xäbär itte. Anda ul kön tärtibendä qaralaçaq mäsälälär belän dä tanıştırdı.

Mälikä Basıyr

XS
SM
MD
LG