Accessibility links

Кайнар хәбәр

“Watanım Tatarstan”; “Ber tatar xatınınıñ açı yazmışı” turında professor Nadir Däwlät belän Asiä Yunusova äñgämäse


Oktäberneñ ikençe atnasında bez sezne “Watanım Tatarstan”gäzitendä 4 oktäberdä basılıp çıqqan “ Tatarlar bay bulsın” dip atalğan yazma belän tanıştırırbız. Anda redaksiäneñ qunağı İstanbuldağı Yidetäpä (Cide tübä) universitetı professorı , Tatarstan Fännär akademiäseneñ şäräfle äğzası, tarix fännäre doktorı Nadir Däwlät belän Asiä Yunusovanıñ äñgämäse birelgän. Äle küptän tügel genä Qazanda “Törek- tatar mädäni bağlanışları” digän xalıqara simpoziumda qatnaşqan ğalim Nadir Däwlät üzeneñ ostazları tieşle itep sanağan “Ğayaz İsxaqinı , aqıl iäse bulğan Sadri Maqsudine, izge teläklärgä matdi tayanıç bula belgän Äxmät Wäli Mäñgär kebek şäxeslär turındağı forumda qatnaşuınıñ säbäben añlata. “Törek mädäniätenä xezmät itep tä, tatar bulıp qalğan, fän ölkäsendä qayırıp eşlägän millättäşlärebezgä bağışlanğan forumda min qatnaşmıy buldıra alammı?-digän soraw belän cawap birä ul gäzit xäbärçese Asiä Yunusovanıñ berençe sorawına.

Ä ikençe sorawın inde Asiä xanım Nadir Däwlätneñ änise Roqıya Däwlätkildeneñ dä çit ildäge tatarlarnıñ säyäsi xäräkätendäge, ayırım alğanda matbağaçılıq eşendäge xezmätläre maxsus öyränergä layıq, dip anı äñgämägä öndi.(äñgämädän özek)

“Açı yazmış qorbanı minem äniem. Anıñ üze yazğan istälekläre miña wasıyät kebek ide.Min alarnı “Ber tatar xatınınıñ açı yazmışı” digän kitap räweşendä kürä aluıma bik söyendem. Äniem yazması miña Yıraq Könçığıştağı tatar möhacirläre tarixın öyränüdä zur yärdäm buldı. Bu tarixnıñ pärdäse äle bulsa bik az açılğan”, -di Nadir Däwlät.

Şulay uq ul bügenge köndäge Qazan belän İstanbul arasındağı tatar –törek bäyläneşläre turındağı häm üzeneñ tormışı turındağı, Törkiädä çığa başlap, tuqtağan Qazan jurnalı turında da häm tatarlarğa nindi näticä yasarğa kiräk digän korrespondentnıñ bik küp sorawlarına cawap birep, üzeneñ fikerlären belderä.

Xörmätle radio tıñlawçılar Sez “Watanım Tatarstan”gäziteneñ 4 oktäber sanında basılıp çıqqan “Tatarlar bay bulsın”,- digän yazma belän tanıştığız. Ul yazma redaksiäneñ qunağı İstanbuldağı Yidetäpä (Cide tübä) universitetı professorı , Tatarstan Fännär akademiäseneñ şäräfle äğzası, tarix fännäre doktorı Nadir Däwlät belän Asiä Yunusovanıñ äñgämäse ide.

Mälikä Basıyr, .

XS
SM
MD
LG