Ğiraqtağı AQŞ xärbiläre äytüençä, ilneñ könbatışında ğisyançılarğa qarşı suğışta 6 amerikan xärbie hälak bulğan. Xärbilär belderüenä qarağanda alarnıñ 4-se Fällücä şähäre yanında şartlawdan ülgän, 2-se Süriä çige yanında üterelgän.
Elegräk xärbilär Qorıç Yodrıq operatsiäseneñ ber öleşe bularaq Süriä çige yanındağı Anbar wilayätendä suğışçılar dip şiklänelgän 20 keşene üterüen beldergän ide.
Anbar wilayätendä, Ğifrat yılğası buyında bäreleşneñ ikençe öleşe bara.
Ul arada Ğiraq politsiäse İran çige buyındağı Wäsit wilayätendä başlarına atıp üterelgän 22 keşeneñ mäyete tabıldı dip belderä.
Britaniä xärbiläre Basra şähärendä tönge reydlar waqıtında Britan köçlärenä höcüm itüdä şiklänelgän 12 keşe totqarlandı, alar arasında ğiraq politsiäse xezmätkärläre dä bar dip belderä.
Tähranda İran tışqı eşlär ministrlığı Britaniä premyer ministrı Tony Blairnıñ Britan xärbilären üterü öçen qullanılğan qorallar belän ğiratağı ğisyançılarnı İran tä'min itep tora digän ğäyepläwlären kire qaqtı.
