Ğiraq xakimiätläre kiläse atnada ütäçäk konstitutsiä referendumı aldınnan konstitutsiä nösxälären saylawçılarğa tarata başladı.
Konstitutsiä azıq-tölek yardäme belän bergä taratıla. Şul uq waqıtta anı cämäğätçelek binalarında, xastaxanälärdä, universitetlarda häm xätta törmälärdä dä alıp bula.
Ğiraq räsmiläre 15 üktäberdä ütäçäk referendumğa qädär 5 million nösxäne taratıp ölgerergä cıyına.
Ğiraq prezidentı Cäläl Talabani sönnilärneñ küpçelege bu konstitutsiäne kire qağırğa oxşağan dide.
