Accessibility links

якшәмбе, 11 декабрь 2016, Казан вакыты 05:17

Qayber citäkçelär wazifasınnan alınaçaq


Başqortstan bu könnärdä bäyräm ruxında yäşäsä dä, respublikanıñ qayber yuğarı türäläre öçen bu könnär älläni şatlıq kitermi. Bu atnada Başqortstannıñ Kontrol-xisap palatası räise Bobılev äfände şäxese tiräsendä küp kenä imeş-mimeşlär taraldı. Bobılev äfändene qayber tikşerenü näticälären häm respublikanıñ zur ğına citäkçeläreneñ qırın ğämällären yäşerep totuda faş itkännär. Bu süzlär cämägätçelek arasında uzğan atnada uq quyıra başlağan ide inde. Misal öçen, Dürtöyle rayonında ütkärelgän reviziä yomğaqları andağı citäkçelärneñ bik küp külämdä däwlät aqçaların tieşsez urınğa qullanuın açıqlağan. Barlıq finans mutlıqlarğa rayon xaqimiäte başlığı Rawil Däwlätovnıñ fatıyxası belän yul quyılğanlığı da mäğlüm ikän. Menä şul xilaf ğämällär turında täğayın mäğlümatlar tuplansa da, Kontrol-xisap palatı alarnı respublika citäkçelegenä citkermi torğan. Ä inde monda turıdan-turı palata räise Bobılev äfände ğäyeple bulıp çığa. Şuña kürä dä äle ber aylıq yalğa cibärelgän baş rewizornı yaldan çığuına wazıyfasınnan buşatuları da ixtimal dilär. Şul uq waqıtta Dürtöyle rayonınıñ qayber citäkçelärenä dä qara könnär citä digän farazlar bar. Rayon xaqimiäte başlığı Rawil Däwlätovnıñ da qara möher suğılıp känäfiennän töşerelüe yaqın könnärdä bulır dilär. Rawil Däwlätov şäxese tiräsendä qarşılıqlı fikerlär berniçä yıl däwam itä inde. Rayon dilbegäsen un yıldan artıq üz qulında totuçı bu citäkçeneñ älege töbäktä xalıqnı qurqıtıp totuı, üz fikere buluçılarğa basım yasawı kiñ cämägätçelekkä küptän inde mäğlüm. Ämma moñarçı rayon xaqime respublika citäkçeläreneñ yaxşı isemlegendä tordı. Kimçeleklären, xilaf eşlären kürmämeşkä salıştılar anıñ. Rawil Däwlätov rayonda tatar milli oyışmaları wäkillären ezärlekläwe, tatar mäktäplärendä köçläp başqort telen uqıtunı kertüe belän dä dan alğan.

XS
SM
MD
LG