Accessibility links

шимбә, 10 декабрь 2016, Казан вакыты 02:25

Peterburgta toraq xucalığı


Qaysı ğına şähärne alma, toraq xucalığı şähärneñ iñ möhim häm şul uq waqıtta iñ qatlawlı ölkäseder ul. Bigräk tä Peterburg kebek sazlıqta, utrawlarda urnaşqan , diñgez, küllär urap alğan megapolista. Hawanıñ artıq dımlılığı arqasında waqıtınnan alda çeregän yortlar, torbalarğa inde üzäklärgä ütkän , mäñge xäl itelmäs kebek kommunalkalarnı da östäsäñ...

Şähär toraq xucalığı citäkçesenä aqıl, täwäkkällek, küpqırlı maxsus belem belän bergä qanunnar, finans belän yaxşı tanışlıq häm başqa ällä närsälärdän xäbärdar bulırğa kiräk. Peterburgta şul xucalıqnı qışqa äzerläw, qış çığu şähär citäkçeläre öçen dä, xalıq öçen dä teş sızlaw kebegräk ber närsä bula ide.

Bıyıl soñğı distä yıllar eçendä berençe tapqır gubernator Valentina Matvienko xalıqnı şähär qış çığarğa äzer dip ışandırdı. Äytergä kiräk, plan buyınça bilgelängän cılılıq birü sezonı başlanırğa 2 atna alda. Plan buyınça cılılıqnı 10 oktäberdä birergä cıyınalar ide, könnär cılı toru säbäple, tağın ber atnağa kiçekterergä buldılar.Qışqa äzerlekneñ irtä tämamlanuın Valentina Matvienko berençe çiratta toraq xucalığı komitetı räise Yunis Lokmanovnıñ xezmäte dip sanıy.

Yunis Lokmanovnıñ toraq komitetı räise buluına äle ber yıl da yuq.Añınçı ul şähärneñ Admiralteyskiy rayonın citäkli ide. Östäwenä, yaña ğına 45 yäşen tutırğan millättäşebez iktisadi fännär doktorı da buldı.Şähärdä kiñ qolaç cäyep kilüçe ipoteka kreditı teması da başlıça toraq komitetına Yunis Lokmanov kilgäç başlandı. Yunis Lokmanov tatar cämäğätçelege uzdırğan çaralardan da çittä qalmıy Tıñlawçılar iğtibarına Yunis Lokmanov belän äñgämä täqdim itäbez(audio)

Gölzadä Kamalova , Sankt- Peterburg

XS
SM
MD
LG