Accessibility links

якшәмбе, 4 декабрь 2016, Казан вакыты 15:15

Paqstanda cir teträweneñ qorbanar sanı arta bara, xalıqara yardäm kilä başladı


10-ar meñlägän keşeneñ ülüenä häm ike yarım milion keşeneñ toraqsız qaluına kitergän cir tetrännän soñ Pakistan häm Hindostanğa dönyanıñ törle illärennän yardäm kilä başladı. BMOnıñ 8 keşedän torğan mäxsus törkeme iñ küp zian kilgän töbäklärgä yardäm eşen koordinatsiäli başladı. Küpkenä illär yardäm cibärälär häm qorbannar sanı tağı da artaçaq digän borçılu bar.

Qorbannar sanı iğlan itelgän räsmi sannardan küberäk dip belderelä. Soñğı farazlarğa qarağanda , ber Pakistanda da 30 belän 40 meñ arasında keşe hälak bulğan. UNİCEFneñ süzçese Julia Spiry Leverton bu sannarnı Pakistan räsmlärennän alğanın belderde. Annan başqa ike yarım milion keşe toraqsız qalğan dip tä xisaplana. Cir teträveneñ üzäge Kaşmirnıñ Hindostan belän Pakistan kontrolendäge öleşläre arasındağı Kontrol sızığında bulğan. İslambadta qotqaru törkemnäre 37 säğättän soñ cimerelgän 10 qatlı binanıñ xaräbäläre arasında ber ir-atnı qotqarğannar. Ul bolay digän

"Mine qotqargan häm räximlek kürsätkän Allahğa meñ şöker. Min ömetemne yuğaltmadım häm isän qaldım. Mondıy xällärdä sabırlı häm tınıç bulırğa kiräk."

Anı qotqaruçılar arasında cir terävennän soñ uq Böyekbritaniädän kilgän qotqaruçılar da bulğan. Alar üzläre belän etlär häm tıñlau cihazların da alıp kitergän bulğannar. Tik qotqaru törkemnäre cir teträveneñ üzäge bulğan rayonarğa, bigeräktä Pakistan kontrolendäge Kaşmirğa äle barıp citä almıylar. Regiondağı kommunikatsiä ministere Tarıq Mahmud tik Kaşmir öleşendä genä dä 30 meñ keşe hälak bulğandır digän faraz belderde. Pakistanıñ ğädättäntış xällär öçen mömkinlekläre çiklängän. Prezident Muşarraf Yäkşämbe könne ük çadırlar , yurgannar, boralaqlar häm meditsina yardäme sorap xalıqara cämağätçelekkä möräcäğät itte. AQŞ prezidetı Buş berençelärdän bulıp yardäm väğdä itte .

"Bez qulıbızdan kilgänçä yardäm itärgä telibez. Bez Pakistan xalqına yardäm öçen aqçalata, cihazlar häm äyberlär belän yardäm cibärdek inde."

AQŞnıñ yardäm töyälgän oçqıçı Düşämbedä Rawalpindi xärbi hava maydanına kilep täşte . Annan başqa AQŞ Afğanistandağı xärbi bazadan 8 transport boralağı cibärde. Alar elemtä özelgän urınnarğa yardäm alıp baraçaqlar. Törkiä, Qıtay , Britaniä häm Germaniädän qotqaru törkemnäre Yäkşämbe könne uq Pakistanğa kilep cittelär. İrannıñ Qızıl Ay oyışması da yardämçelär cibärgän. Annan başqa Rusiä, Yaponiä, Avstraliä , Gollandiä . Säud Ğäräbstan häm Berläşkän Ğäräp Ämirlege dä yardäm cibärä. Kaşmirnıñ Hindostan öleşendä räsmi räveştä qorabannar sanı 750 dip belderelä. 100 meñ keşe öysez qalğan. Uri häm Tangdhar şähärlärendä 722 keşe hälak bulğan. Uri töbägeneñ komandirı polkovnik Hooda bolay dip belderde.

"Xärbilärdän dä, sivillärdän dä citdi yaralanuçılar bar. Bez evakuvatsiälädek. Baruı qıyın bulğan auıllarnıñ dürtesenä medtsina xezmätkärläre, texniklar häm xärbilär cibärdek. Alar berençel çaralar kürälär."

Tufraq şuuı säbäple Kaşmirnıñ Hindostan öleşendä 14 auılğa baru äle dä mömkin tügel. Annan başqa cer teträvläre dä dävam itä. 260-tan artıq cir teträve terkelgen.

Färit İdelle, Praga.
XS
SM
MD
LG