Accessibility links

сишәмбе, 6 декабрь 2016, Казан вакыты 08:48

Qazanğa Başqortstannan uqıtuçılar häm studentlar kilde


Qazanğa Başqortstan däwlät pedagogika universitetınıñ uqıtuçılarınnan tış tatar bülegeneñ 2, 3, 4 kurs studentları kilgän ide. Kilü maqsatın alar Qazannıñ tarixi urınnarı, Bolğar belän tanışu, kitaplar alıp qaytıp kitü didelär. Tatar kongressındağı oçraşu aldınnan alar “Mädäni comğa” gäzitendä dä bulğannar. Andağı oçraşu alarda ayıruça cılı xislär qaldırğan. Şulay uq studentlar Tatarstandağı yäş millättäşläre belän dä küreşep fiker alışırğa teläulären äyttelär. Çallıda alar pedagogika institutı studentları belän oçraşqannar. Qazanda isä mondıy mömkinlek bulmadı.

Äytergä kiräk, soñğı yılnı Tatarstan häm Başqortstan tatar yäşläre bergäläp “Şayannar häm tapqırlar klubın” uzdıra başlağannar. Ğomumän pedagogika universitetında älege bülek 10 yıl ğına eşläp kilä ikän. Andağı belem birü xaqında Başqortstan däwlät pedagogika universitetınıñ ölkän uqıtuçısı Al'bina Xämidullina

Bezneñ filologiä fakul'tetında ike bülek bar. Berse – tatar-rus tele, ikençese tatar häm çit telläre (ingliz häm alman tele). Ber kursta 100гә yaqın student belem ala. Xätta Tatarstannan - Çallıdan kilep ukılar.

Tatarstan belän Başqortstan bäyläneşen üsterü öçen yäşlär belän eşlärgä kiräk dielde Bötendönya tatar kongressı başqarma komitetında uzğan oçraşuda. BDB häm çit illär belän eşläw bülege xezmätkäre Röstäm Gäynetdinov kvota buyınça yuğarı uqu yortına uqırğa dip iñ küp studentlarnıñ Başqortstannan kilüen äytte. Şulay uq oçraşuda däreslek mäs’äläsenä dä kütärelde. Däresleklärneñ Başqortstanda çığuı turında äytelde. Anı çığaruçı Fänisä Gafurova tatar yazuçıların kitapqa kübräk kertergä tırışuları xaqında

Tatar yazuçılarınnan G. Tuqay, M. Cälilne kerttek. Ğomumän tatar yazuçıların mömkin qädär kübräk kertergä tırıştıq.

Başqortstannan kilüçe millättäşlärebez Tatarstanda yäşäwçe üzläreneñ yaqtaşları belän dä oçraşırğa teläulären belderdelär.

Landış Xarrasova

XS
SM
MD
LG