Şimbä könne Rumıniä häm Törkiädän qoş kizüe oçraqları turında xäbär itelgännän soñ, Yevropa Komissiäse Törkiädän qoş ite alunı tuqtatıp toru plannarın iğlan itte. Ukraina häm Gresiä Törkiä häm Rumıniädän tawıq iten kitertüne tıydı. Macarstan Rumıniädän qoş iten alunı tuqtattı. Rumıniä häm Törkiädä tawıq fabrikaların karantinğa yabıp qoşlarnı yuq itü başlandı. Kizüneñ nindi virustan bulğanın açıqlar öçen bügen Rumıniägä Yevropa belgeçläre kilde. 2003 yılda Aziädä H5N1 virusınnan 60qa yaqın keşe ülgän ide.
