Accessibility links

якшәмбе, 11 декабрь 2016, Казан вакыты 16:53

Munitsipal' saylawlar


Qazan şähär Sovetı deputatları saylanuğa ber atnadan da kimräk waqıt qaldı. Saylaw köräşen artıq qızu dip äytep bulmıy – sülpänlek, bitaraflıq yäki keläm astı xäräkätläre küzgä taşlana. 50 deputat mandatına 219nämzät däğwä itä. Alarnıñ yartısınnan kübese – käsepçelär, xätsez genä idärä çinovnikları, 15 uqıtuçı häm 20 tabip bar. Okruglardağı köräşneñ sülpän baruı küptän sınalğan çinovniklar yäki elek deputatlar urındığına bereşkän baş tabiplar yäki mäktäp direktorları, şulay uq kürenekle säwdägärlärgä toruçı nämzätlärneñ köçläre zägıyf' buluı belän añlatıla. Şulay da, ber distäläp okrugta köräşneñ niçek tämamlanasın aldan äytep bulmıy.

Köräşneñ astan bulsa da baruı turında söyläwçe şundıy fakt bar. Şähär saylaw komissiäse 10nämzätne başta terkäwdän kire qaqqan ide häm alar mäxkәmä aşa terkäldelär. Yäğni, aldan uq kiräkmägän nämzätlärne çitlätü säyäsi säbäplärdän bulğan. Wahapov okrugında şähär başlığı Qamıl İsxaqovqa qarşı 3 kandidat, şul isäptän bilgele däğwäçı Dmitriy Berdnikov bar. Moña qädär Ministrlar kabinetında Apparat citäklägän, elegräk Mäskäw rayonı başlığı bulğan populyar idäräçe İldar Fättäxov ta räsmi Qazannıñ fatixasınnan başqa ğına saylawda qatnaşa.

Rimzil Wäli

XS
SM
MD
LG