Accessibility links

сишәмбе, 6 декабрь 2016, Казан вакыты 03:52

Zilzilä kiçergän Paqstan Hindistannıñ yardäm täqdimen kire qağa


Öç kön elek 7.6 köçendäge cirtäträve Kaşmir häm tönyaq Pakstanda 40meñnän artıq keşeneñ häläk buluına säbäp bulsa uñmeñnärçä keşe äle dä yardäm kötep utıra. Xakimiätlär taulıq häm cirşuşuı belän yabılğan yullar aşa yardäm iltüneñ qıyınlığın iqrar itä.Milliardlarça dollarlıq xalıqara yardäm Pakstanğa kilä başladı.Ämma kürşe Hindistannnıñ keşe ğämeren saqlap qalu potensialına iä cihazlar birü täğdime säyäsi qarşılıqlar säbäple Pakstan tarafınnan kire qağıla.

1999 yılda ike köndäş Törkiä belän Gretsiädä qatı cir teträwläre bulğaç Ankara häm Afinadağı säyäsätçelär çikneñ ike yağındağı qorbannarğa bulışlıq kürsätü öçen şunduq qotqaru törkemnäre azıq tölek , meditsina yardäme cibärde.Distälärçä yıl däwam itkän doşmalıq onıtıldı, çönki keşelärneñ tormışı qurqınıç astında ide Şulay itep ''zilzilä diplomatiäse '' tudı. Cir teträwe bülengän Kaşmirdä şähär awıllarnı cimerde . Başta Pakstan häm Hindistan da berbersenä bulğan ışanıçsızlıq, nefräten çitkä quyıp qorbannarğa yardäm itär digän ömedlär bar ide.Ämma könyaq Aziä ''zilzilä diplomatiäsenä'' äzer tügel ikän. Pakstan Hindistannıñ 25tonna yardämen qabul itte.Çönki ul 2001 yılda Hindistanğa şunduyuq yardäm paketı cibärgän ide. Ämma Dehlinıñ boralaqlar häm qotqaru törkemnäre cibärü täqdime kire qağıldı.Xälbuki İslamabad urınnarğa azıq tölek iltü, qorbannarnı imin urınnarğa kiterü öçen başqa illärdän boralaqlar sorap kilä. Pakstannıñ zur tirajlı İngliz telendäge basması Dawnnıñ muxarrire Ziauddin sişämbedä radiobızğa bolay dip äytte:

Kaşmirğa yullar yabıq, qayber keçkenä, tar yullar açılsa da , annan küpläp azıq tölek häm başqa kiräk yaraqlarnı cibärep bulmıy. Boralaqlar älä dä citmi .Boralaqlar yäşep qalğannarnı qotqaru öçen kiräk

Dawn jurnalistı Ziauddin , Pakstan qaramağındağı Kaşmirnıñ administrativ üzäge Muzaffarabadtağı wazğiätne qotoçqıç dip taswırlıy .Cimerelgän bazar, universitet häm küpkenä mäktäp xarabäläre astında mäyetlär yata, xalıq uramda yoqlıy , çista su,azıq tölek yuq.Pakstan qaramağındağı Kaşmirnıñ premyere üzen zirat premyere dip taswirlıy ikän.Muzaffarabad yaqınındağı lagerdan Koja Gulam Nabi isemle beräw Reuterga:

Bäten keşe ülde.Mäktäptäge balalar äledä xarabälär astında . Minem bik küp yaqınım häläk buldı,qotoçqıç.

Bilgele Britan jurnalı Jane''s Defense Weekly''neñ Dehli xabärçese Rahul Bedi radiobızğa Hindistannıñ logistik yardäm birü täqdimnäreneñ Pakstan tarafınnan kire qağıluı küp keşeneñ ülemenä säbäp bulıp tora dide. Pakstan qaramağındağı Kaşmirda cimerelgän awıllarnıñ kübese Hindistan yağına yaqın,Hindistannıñ qotqaru törkemnäre ciñellek belän anda kerä alır ide ämma säyäsät kirtä bulıp tora.Bedi:

Töbäkneñ cografiä häm topografiäsen küzdä totqanda Pakstan qaramağındağı Kaşmirğa Hindistan yağınnan kerü ciñelleräk,Hindistan yardäm täqdime yasap qaradı, ämma Pakstan kire qaqtı. Wazğiät säyäsätneñ totığı bulıp tora , xärbilär Hindistan yağınnan kersä ide bälkim dä qayber keşelär qotqarılır ide.

Ni qızğanıç ki ike yaqnıñ da mantığı ber yk. zilzilä diplomatiäse näticäsendä ike yaq mönäsäbätläreneñ sülpänläşüen ozaq kötergä turı kiläçäk . İke yaq ta üzsüzle xärbi yardämne kire qağa. Hindistan xärbiläreneñ Pakstan qaramağındağı Kaşmirgä kerüen pakstanlılar kürergä telämi . Şulayuq Pakstan xärbi personaleneñ Hindistanğa kerüenä beräw dä çıdamlıq kürsätä almıy. Bu mäsälä tizliktä xäl qılınmas ,Kaşmir xalqı öçen tragediä , alar cafa çigä,alar här ike ilgä möräcäğät itep , fiker ayırmalıqların xäl qılırğa bergäläp eşlärgä çaqıra.Ämma bu 2-3 köndä bulır dip kötelmi, kiläse 2-3 atna eçendä bulu ixtimale isä tağı da azıraq dip söyli Jane''s Defense Weeklyneñ Dehli xabärçese Bedi färidä xämit
XS
SM
MD
LG