AQŞ däwlät sekretare Condoleezza Rice, İslamabadta Paqstan citäkçeläre belän bulğan oçraşuda, cir teträwdä ziyan kürüçelärgä yärdäm wäğdä itte. Zilzilä näticälären beterü turında Rice Paqstan tışqı eşlär ministrı Xurşid Mahmud Kasuri belän söyläşte. İslamabadqa AQŞ däwlät sekretare Äfğanstannan kilde. Anda ul Taliban xakimiättän bärep töşerelgäç uzğan 4 yıl eçendäge säyäsi tärräqiätkä xuplaw belderde. Üzeneñ Üzäk Aziä säfären Rice bügen ük Qazaxstanğa, soñınnan Taciqstanğa däwam itäçäk. Bügen Astanada bügen Ricenı qarşı alırğa hawa alanına barırğa cıyınğan oppozisiädäge "Ğadel Qazaxstan öçen" xäräkäte başlığı Tolen Toxtasınov qulğa alınğan. Älege xäräkät prezidentlıqqa oppozisiä nämzäte Jamarxan Tuyakbainı yaqlıy.
Cir teträwgä kilgändä, şimbä könne Könyaq Aziädä bulğan köçle zilzilädä Paqstanda 23 meñ, Hindstanda meñ yarım keşe häläk bulğan dip xäbär itelä. 50 meñnän artığı yaralanğan. Bügen Paqstandağı Rawalpindi xärbi hawa bazasına Hindstannan yärdäm belän berençe oçqıç kilde. Paqstannıñ Kaşmir mäsäläläre ministrı Maxdum Syed Fasial Saleh Hayat, cir teträw qorbannarına yärdäm itüçelärgä räxmäten belderde: "Xalıqara cämäğätçelekkä bik tä kiräkle bulğan yärdäm cibärep toruları öçen zur räxmätlebez. xäzer bezdä 50 boralaq bar. Alar yärdämne ber tuqtausız taşıp toraçaq," dide Paqstan ministrı. Töbäktäge millionlağan keşe äle dä su, aşamlıqlar häm çatırlar kötä.
Cir teträwgä kilgändä, şimbä könne Könyaq Aziädä bulğan köçle zilzilädä Paqstanda 23 meñ, Hindstanda meñ yarım keşe häläk bulğan dip xäbär itelä. 50 meñnän artığı yaralanğan. Bügen Paqstandağı Rawalpindi xärbi hawa bazasına Hindstannan yärdäm belän berençe oçqıç kilde. Paqstannıñ Kaşmir mäsäläläre ministrı Maxdum Syed Fasial Saleh Hayat, cir teträw qorbannarına yärdäm itüçelärgä räxmäten belderde: "Xalıqara cämäğätçelekkä bik tä kiräkle bulğan yärdäm cibärep toruları öçen zur räxmätlebez. xäzer bezdä 50 boralaq bar. Alar yärdämne ber tuqtausız taşıp toraçaq," dide Paqstan ministrı. Töbäktäge millionlağan keşe äle dä su, aşamlıqlar häm çatırlar kötä.
