Elekke Ğiraq citäkçese Säddäm Xösäinne xökem itäçäk mäxkämneñ xakime Raed al-Juhi, bügen jurnalistlarğa, xökem eşe aldan bilgelängänçä, üktäberneñ 19zında başlanaçaq, mäxkämä utırışı cämäğätçelek häm mäğlümat çaraları öçen açıq bulaçaq, dip belderde. Saddam häm anıñ xökümäteneñ tağın 7 äğzasenä keşeçelekkä qarşı cinäyät qıluda ğäyepläw belderelgän, qalğan ğäyepläwlär äle äzerlänep betmägän.
Saddamnıñ advokatı Xälil Dulaimi, mäxkämä eşe açılışın kiçekterüne sorayaçağın belderde, çönki yaqlawçılarğa moñarçı Saddamnı kürü häm ğäyepläwlär belän tanışu mömkinlege tudırılmadı, dide advokat.
