Accessibility links

сишәмбе, 6 декабрь 2016, Казан вакыты 15:04

Ğıraq: referendum aldınnan qatı iminlek çaraları


AQŞ häm Ğıraq xärbi köçläre konstitutsiä ölgese turında şimbädä ütäçäk referendumnan elek iminlek çaraların arttıra. Washington häm Bagdad bıyıl başlarında ütkärelgän saylawlar waqıtnda iminlek çaraların qırıslaştırp intihar höcümnären nıq kimetkän ide. Alar şimbä könne dä şul uñış qabatlanır dip ömed itä.

Radiobıznıñ Bagdadtağı xabärçese Moeyed äl Haidari başqala ğädättän tış tınıç, tawışsız di.Haidari:

Xökümät, atnakiç, comğa, şimbä häm yäkşämbene räsmi yal köne itep iğlan itte.Referendumnnan yäğni şimbädän elek küp kenä keşe öydä utıra. kiçädän birle Bagdad bik tınış, yullar buş , maşinalar bik az. Qayber urınnarda politsiä häm xärbilär kontrol noqtaları oyıştırğan.

Politsiä xäzerdän ük tawış birü urınnarı urnaşqan uramnarğa maşina belän kerüne tıyğan.Alarnıñ tiräse 1meterdän biyekräk beton divarlar belän äyländerelgän. Atnakiçtän başlap kiçke 10belän irtänge 6 arasında komendant säğäte kertelgän.Comğa könne Ğıraq çikläre yabıldı häm töbäklär arasında säyäxät tä tuqtatıldı.Äl haidari äytüenä qarağanda iminlek çaraları şimbädä dä tağı da qırıslaştırılaçaq.Haidari:

İrtägä mäxsus kön. İrtägä xosusi maşinalar yörimiäçäk,Tawış birü irtänge 7 başlap kiçke 5 qädär däwam itäçäk.Urnalar tiräsendä iminlek çaraları tağı da nığıtılaçaq.

30 ğıynuarda parlamentqa ütkän saylawlar waqıtnda ğıysyançılar 40keşene üterde.Höcmenär keçkenä külämdä buldı. Ğıysyançılar referndumnnan elek sivillärgä häm iminlek köçlärenä höcümnär oyıştırıp xalıqnı qurqıtırğa tırıştı.Associted Press mäğlümätenä qarağanda törle höcümnärdä sonğı 18 köndä in kimendä 422 keşe üterelgän.Şimbädä ütäçäk referendumda 15million çaması ğıraqlı Saddamnan soñ yazılğan konstitutsiä ölgesenä äyye yäki yuq dip tawış birergä çaqırıla.Tawış birüçelärneñ yartısınnan ber kübräge äyye dip tawış birse ölge raslanğan bulaçaq. Ämma 3 yäisä artıqraq töbäktä tawış birüçelärneñ öçtän ikese yuq dip äytsä , dokument kire qağılğan bulaçaq.Referendum näticäse bilgele tügel,çönki älge tiräsendä zur bäxäs bardı.Ütkän ayda sönnilärneñ qarşılıq kürsätüenä qaramastan şığı häm kördlär östenlek itkän parlament anı rasladı. Sönni citäkçelär konstitutsiä küpçelektäge şığılarğa Ğıraqınıñ neftkä bay töbägendä üz idarä iğlan itü mömkinçelege birä dip äytä.Alar sönnilär Ğıraqnıñ neft baylığınnan mäxrüm iteläçäk yäki ilneñ parçalanuına kiteräçäk digän argument alğa sörä.Şulay da çärşämbedä küpçelege sönilärdän torğan islam partiäse sonğı mizgeldä şığı häm körd citäkçeläre belän yaña parlament saylanğannan soñ konstitutsiägä tözältmälär kertü turında kileşte. Xabärçelär şuşı kileşüdän soñ partiä Bagdadttağı başkvartirı aldında referendumnı boykotqa çaqırğan plakatların çıştırdı dip belderä. Xabärlärgä qarağanda ğıysyançılar bügen İslam partiäse binası aldında bomba şartlatqan , Fallucada isä partiä ofisı yandırılğan. Sönnilärneñ küpmese konstitutsiä ölgesen yaqlap tawış bireçäk bilgele tügel.Tanılğan şığı ruxanısı Ayatolla Ali Sistani barlıq ğıraqlılarnı şimbädä äyye dip tawış birergä çaqıra. Başqalanıñ sönnilär yäşägän bistälärendä konstitutsiäne raslarğa çaqırğan şığarlar bik az.Okupatsiägä qarşı bulğan täsirle Möselman Ulemaları Berläşmäse tarafdarların boykotqa çaqıra . Tağı ber mäsälä: ramazan ayında xalıq bik soñ yoqlarğa yata, monıñ tawış birügä nindi täsire bulır, anısı da bilgesez färidä xämit
XS
SM
MD
LG