Rusiä räsmiläre xäbär itüençä, Qabarda-Balqar cömhüriäte başqalası Nalçikta ğısyançılar höcüme tuqtatılğan. Kimendä 108 keşe häläk bulğan, alar arasında 72 suğışçı, 24 milisiä xezmätläre häm 12 sivil keşe. Prezident Putin, "mondıy höcümnärneñ bula alğanı – naçar, xezmättäşlärebezne häm tınıç xalıqnıñ yuğaltuıbız – zur faciğa," dip dip belderde. Ber ük waqıtta ilbaşı iminlek köçläreneñ qırıs häm berdäm çaraların xupladı, Rusiä suğışçılarğa qarşı qatı toraçaq, dip belderde.
Höcüm öçen cawaplılıqnı üz östenä Çeçen ğısyançıları aldı.
