Accessibility links

дүшәмбе, 5 декабрь 2016, Казан вакыты 07:31

Yevropa Berlegen kiñäyü planınnan taypılmasqa çaqıralar


Bügen biredä açılğan utırışta Üzäk häm Könyakönçığış Yevropa illäre başlıqları Yevropa Berlegen kiñäyü planına tuğrı qalırğa çaqırdı. Bügen açılğan ike könlek oçraşuı Könbatış Yevropağa intergrasiägä bağışlanğan. Xorvatiä prezidentı Stipe Mesiç, Fransiä häm Niderlanta Berlek konstitusiäseneñ xuplanmawı, Berlekkä Törkiä häm Xorvatiäne alu turındağı fiker ayırmalıqları, Yevropanıñ kiñäyüen däwam itü yulları turında fiker alışu kiräklegen kürsätä, dip belderde. Çexiä prezidentı Vaclav Klaus süzlärençä, ägär dä Berlek kiñäyüdän tuqtasa, bu – Berlekneñ eçke problemaları arqasında "faciğale xata" bulaçaq. Polşa ilbaşı Aleksander Kwasniewski, Berlekkä şulay uq Ukraina, Moldova häm Gruziä kerergä tieş, dide. Bügenge utırışta İtaliä, Avstriä, Polşa, macarstan, Çex cömhüriäte, Sloveniä, Slovakiä, Rumıniä, Bolğarstan, Serbiä-Çernogoriä. Albaniä, Bosniä-Herzogovina, Makedoniä häm Moldova prezidentları qatnaşa.

XS
SM
MD
LG