Accessibility links

чәршәмбе, 7 декабрь 2016, Казан вакыты 21:27

Ändicanda milisiä xalıqqa atqan, di şaxit


May ayında könçığış Üzbäkstandağı Ändican şähärendä fetnä oyıştıruda ğäyeplängän 15 keşe östennän barğan mäxkämä utırışında, waqiğälärneñ şaxite Mahbuba Zokirova, milisiä xalıqqa ut açtı, dip belderde: "Östebezdä boralaq oça başladı, bik tübän oça ide. Bez ällä çınnan da Kärimov bezneñ belän söyläşergä kiläme dip uyladıq. Ämma anıñ urınına bezne uratıp alğan xärbilär bezgä ata başladı. Xalıq arasında qorallanğan keşelär yuq ide diärlek, kübese balalar ide," dide Zokirova.

Bügen berençe tapqır şaxit tanıqlıq itte. 3nçe üktäberdä bulğan mäxkämät utırışında üzbäk xärbiläre, uram cıyınında qatnaşuçılarğa tınıç qına taralışu färmanı birelde, anıñ urınına alar xärbilärgä ata başladı, dip belderde. Prokuror, xalıq yalğış ber berenä ut açqan, dide.

Üzbäk räsmiläre, Ändicandağı qanlı waqiğälärdä 187 keşe, küpçelek islam suğışçıları häläk buldı, dip belderä. Keşe xoquqları oyışmaları, häläk bulğannarnıñ sanı küpkä yuğarıraq, häm alar arasında tınıç xalıq ta bar, di.

Xökem itelgän 15 keşe üzlärenä belderelgän islam oyışmalarında äğza toru, terror häm keşe üterü turındağı ğäyepläwlärne tanıdı. Alarnı zur ixtimal belän ülem cäzası kötä.

XS
SM
MD
LG