Accessibility links

пәнҗешәмбе, 8 декабрь 2016, Казан вакыты 12:56

Nalçik waqiğalarına Törkiä matbuğatı nindi mönäsäbät belderä?


Törek mätbuğatı ozaq yıllar Çäçännärgä, alar alıp barğan bäysezlek köräşenä möxäbbät belän qarıy ide. Xäzer niçek qarıy disäk, bu waqiğä turında astağı rubrikalarğa qarıyıq: Hürriyet “Teror Nalçikta”; Akşam “Rusiädä qabat Çeçen terorı: kimendä 74 üle”; Milliyet “Cämağät xöcüme”; Sabah “Qabat qanlı Beslan xöcüme”; Vatan “Çäçän partizannar şähärne basıp aldı”; Yeni Şafak “Basayev xöcem itte, Putin yuq itü ämere birde: 74 üle”; Yeni Mesaj “Qafqaziä qoral tawışına uyandı”; Yeni Asya "Qabat Basayev, qabat xöcüm”; Zaman “Tönyaq Qafqazda qabat qanlı xöcem”; Tercüman “Rusiädä qanlı ber kön”; Radikal “Rusiä qabat butaldı: Qafqaziädä qanlı xöcem” digän rubrikalar belän uquçularına şuşı waqiğäne belderdelär. Küräsez, tik ike gazeta ğına xäbär başlığında “terror” digän süzne qullana. Xäbärlärneñ eçtälegenä qarasaq şuşı xöcümne oyıştıruçılar turında tik Milliyet belän Akşam gazetaları ğına teroristlar digän atama qullanalar. Qalğan gazetalarda partizannar, Çäçän qarşılıq kürsätüçeläre digän atama qullanğannar. Başqa süzlär belän äytkändä, Çäçännärgä tap töşermäs öçen bulsa kiräk, teror süze qullanılmasqa tırışıla. Törek xalqı, bigräk tä jurnalistları Putinnıñ da anda häm ğomumän Rusiädäge azçılıqlarğa qarata ğädel bulmawın da añlıylar.

Äxtäm İbrahim, İstanbul
XS
SM
MD
LG