Accessibility links

пәнҗешәмбе, 8 декабрь 2016, Казан вакыты 09:01

Ğiraqta konstitusiä turında referendum uzdı


Ğiraq bügen referendumğa quyılğan konstitusiä ölgese öçen tawış birde. Höcümnär buluı turında xäbär itelmi. Saylaw üzäkläre Qazan waqıtı belän kiçke 6da yabıldı. Xökümätneñ matbuğat wäkile Laith Kubba, bügen "milli kileşü" köne, dip belderde. Ğiraq saylaw komissiäse başlığı Ezzaldin äl-Möhammädi Azatlıq radiosınıñ Ğiraq redaksiäsenä, bügenge tawış birüdän soñ , kiläçäkkä ömet bar, dip belderde:

"Böten töbäklärdä, xättä ğinwar saylawlarında qatnaşudan baş tartqan töbäklärdä dä, tawış birüdä qatnaşuçılar küp, dip xäbär itelä. İnşalla, farazlar yaxşı bulır".

İl buylap açılğan 6 meñgä yaqın saylaw urının Ğiraq polisiäse häm xärbilär saqladı. Koalisiä köçläre höcümnär bula qalsa yärdämgä äzer tordı. Bağdadta tawış birü urınnarına höcümnär turında xäbär itelde. Başqalanıñ tönyaqkönçığışında bomba şartlap 3 Ğiraq xärbie häläk buldı.

Konsitusiä ölgeseneñ xuplanuı öçen 50%tan artıq tawış birüçeneñ "eye" dip äytüe, şulay uq Ğiraqnıñ 18 provinsiäsendä tawış birüçelärneñ 3tän ike öleşeneñ "yuq" dip äytmäwe kiräk. Bügenge tawış birüneñ näticäläre düşämbe könne iğlan iteler dip kötelä.

XS
SM
MD
LG