Accessibility links

җомга, 9 декабрь 2016, Казан вакыты 18:40

Hindstan qoş virusına qarşı daru citeşteräçäk


Rumıniädä tabılğan qoş kizüe virusın tikşergän Britaniädäge üzäk, anıñ uzğan yıl Aziädä 60tan artıq keşeneñ ğömeren özgän H5N1 virusı bulğanın xäbär itte. Qoşlardan keşegä küçä ala torğan şuşı virus küptän tügel şulay uq Törkiädä dä tabıldı. Sälämätlek saqlaw räsmiläre, virusnıñ keşedän keşegä küçä torğan itep üzgärä aluına borçıla.

Hindstannıñ öçençe zur daru citeşterü şirkäte Cipla, şuşı virusqa qarşı Tamiflu daruın citeşterü plannarı turında iğlan itte. Bu darunı moñarçı Şveysariäneñ Roche şirkäte çığarğan ide, ämma taläp artqanğa alar citeşterep ölgermi başladı. Britaniädä çığuçı Financial Times gazetı Cipla citäkçeläreneñ berse bulğan Amar Lulla süzlären kiterep, Hindstannıñ älege darunı Afrika, Latin Amerikası häm Aziä illärendä arzan bäyägä sataçağın xäbär itte. Cipla şirkäte şulay uq VİÇ virusına qarşı daru citeşterä.

XS
SM
MD
LG