Accessibility links

шимбә, 10 декабрь 2016, Казан вакыты 06:17

Nalçik qanlı höcümdän soñ kire üz tormışına qayta


Qabarda-Balqar respublikası başqalası kimendä 108 keşeneñ ülemenä kitergän qanlı waqiğälärdän soñ äkrenläp elekke tormışına qayta. Bügen kibetlär häm restorannar açıldı. Üzäk bazar ğına äle dä yabıq, uramnarda qorallanğan xärbilär häm milisiä kürergä mömkin.

Rusiäneñ eçke eşlär ministrı Räşid Nurğaliev, ülüçelär arasında 12 sivil keşe, 24 milisiä xezmätkäre häm 72 suğışçı, dip belderde. İminlek köçläre, pänceşämbe könne milisiä, iminlek qorılmaları häm hawa mäydanına höcüm oyıştırğan 31 suğışçını qulğa alğan.

İtar-Tass xäbär itüençä, terrorğa qarşı yaña qanun nigezendä, üterelgän suğışçılarınıñ mäyetläre kümü öçen tuğannarına tapşırılmıy.

Höcümnär öçen cawaplılıqnı üz östenä Kavkaz Frontı dip isemlängän oyışma aldı. Eçke eşlär ministrı urınbasarı Andrei Novikov süzlärenä qarağanda, höcümdä qatnaşqan 100dän alıp 300gä qadär suğışçı – Qabarda-Balqar respublikasınnan bulğan.

XS
SM
MD
LG