Accessibility links

җомга, 9 декабрь 2016, Казан вакыты 03:07

Paqstannı tözekländerü 5 milliard dollarğa töşäçäk


Näq ber atna elek Paqstanda bulğan cir teträwdä häläk bulğannarnıñ sanı 40 meñgä citep kilä. Yañğırlar, qar häm salqın hawa yortsız qalğan millionlağan keşeneñ xälen tağın da awırlaştıra.

Prezident Pärwäz Möşärräf, 38 meñ keşeneñ häläk bulğanı, 62 meñ keşeneñ cärähätlär alğanı raslanğan, dip belderde. Qotqaruçılar Kaşmirnıñ yıraq rayonnarına kergän sayın bu sannar arta bara. Möşärräf süzlärenä qarağanda, bügenge köndä töp burıç – Himalay tawılarında qırıs salqın qış kilgänçe 3 million 300 meñgä yaqın keşene çatırlarğa bulsa da urnaştıru.

Premyer-ministr Şäükät Aziz, ilne tözekländerü öçen 5 milliard dollar kiräk , ämma bu eşne 10 yıldan tizräk eşläp bulaçaq, dip belderde. Berläşkän Millätlär Oyışması, Paqstannı distä yılsız tözekländerep bulmayaçaq, dip farazlağan ide.

XS
SM
MD
LG