Accessibility links

җомга, 2 декабрь 2016, Казан вакыты 22:53

Rice: Ğiraq konstitutsiäse qabul itelgän axrı


London -- Quşma Ştatlar däwlät sekretare Codoleezza Rice "Ğiraq konstitutsiäse qabul itelgängä oşağan" dip belderde. Bu turıda ul bügen Londonğa kilgäç äytte. Kiçäge referendumda birelgän tawışlarnı sanaw äle däwam itä, läkin kilgän xäbärlärgä qarağanda "konstitutsiä qabul itelgängä oşağan" dide ul. Saylaw komissiäse xäbär itüençä, sönnilär yäşägän Diala häm Naineva töbäkläre konstitutsiägä uñay tawış birgän, Saddamnıñ tuğan yağı bulğan Salahetdin töbäge – kire qaqqan. 4nçe sönni töbäk, Anbarda kire qaqsa da – bu ğına citmiäyäçäk. Yaña konstitutsiä ütmäsen öçen, anı 18 töbäkneñ kimendä 3se kire qağırğa tieş. Ğiraqnıñ başqa töbäklärendä konstitutsiä üter dip kötelä. Tawış birüdä xalıqnıñ 65%tı qatnaşuın Rice ğisyançılar öçen naçar xäbär dip atadı.

Ul arada, amerikan xärbiläre äytüençä, kiçä referendum waqıtında Ramadi qalasında yulğa quyılğan bomba şartlaw näticäsendä 5 amerikan xärbie häläk bulğan.

XS
SM
MD
LG