Accessibility links

чәршәмбе, 7 декабрь 2016, Казан вакыты 15:44

Başqortstanda seber tülämäse tabıldı


Ul Ğafuri rayonı Qowardı awılındağı ber sıyırdan tabılğan. Awıru sıyır yuqqa çığarılğan, rayondağı qalğan böten mal-tuarnı tikşerü häm tülämägä qarşı vaqsina yasaw bara. Qowardı awılında karantin iğlan itelgän. Älege çir keşe öçen dä ğäyät qurqınıç bulıp isäplänä. Anı eläktergän keşeneñ öç täwlek eçendä märxüm buluı ixtimal. Şuña rayon xalqına da tülämägä qarşı waqsina yasaw bara. Başqortstanda bu soñğı distä yıllarda tülämä tabılunıñ berençe oçrağı. Kürşe töbäklärdän isä, bu awırudan 1979nçı yılda 69 keşe ülgän ide. Ufada ber Törkiä watandaşı üterelde. Ul Aden Ağakalı. Aden ber Törekmänstan keşese belän kafedä isertkeç eçemleklär eçkän häm üzlären bik tärtipsez totqannar. Alarnıñ tärtiplären oşatmağan ike yeget kafedän çığuların saqlap torıp höcüm itkän. Törekmänstan keşese beraz tuqmalğannan soñ qaçıp qotıla alğan. Aden Aaqäliy qoyma taqtası belän tuqmalıp cantäslim qılğan.

XS
SM
MD
LG