Accessibility links

Кайнар хәбәр

Aqmäçettä Azärbäycan oppozitsiäse citäkçese Rasul Quliev qulğa alındı


Azärbäycan oppozitsiäse citäkçese Rasul Quliev 10 yıl ildän cittä sörgendä bulğannan soñ Baqığa qaytışlıy Qırım başqalası Aqmäçettä militsiä tarafınnan totqarlanuın belderde. Quliev Azatlıq radiosınıñ Azärbäycan bülegenä Londonnan çarter oçqıçında Aqmäçetkä kilep töşkäç qulğa alınuı turında äytte. Oçqıçnıñ Qırımda tuqtalışı planlaştırılğan bulu-bulmawı äle açıq tügel. Azärbäycanda aldaşu belän aqça üzläşterüdä ğäyeplänüçe Quliev İnterpol taläbe belän totqarlanğan. Quliev üze bernindi qanun bozmawın belderä. Elekke parlament räise Quliev xäzer Azärbäycan Demokratik Partiäsen citäkli. Ul Baqığa 6-nçı noyäberdä ütäçäk parlament saylawlarında qatnaşu öçen qaytıp bara ide. 1996-nçı yıldan birle ul Quşma Ştatlarda yäşäde. Azärbäycan räsmiläre Quliev ilgä qaytu belän qulğa alınaçaq dip beldergän ide. Partiäneñ räis urınbasarı Elman Salayev Azatlıq radiosına Qulievnı azat itüdä yardäm sorap Baqıdağı AQŞ häm Ukraina ilçeleklärenä möräcäğät itüen belderde.
XS
SM
MD
LG