Accessibility links

якшәмбе, 4 декабрь 2016, Казан вакыты 23:31

Sverdlaw ölkäsendä Salawat konsertları uzdı


Bu könnärdä Sverdlovski ölkäsendä Rusiäneñ atqazanğan, Tatarstannıñ xalıq artistı Salawat Fätxetdinov gastrolläre bulıp uzdı. Bu yılğı gastrollärneñ ber üzençälege bar – elek ul konsertlar zur şähärlärdä genä oyıştırılsa, bu yıl alar ölkäneñ tatarlar tuplanıp yäşägän könbatış okrugında urnaşqan tağın dürt şähärendä uzdırıldı. Zur bulmağan şähärlärdä oyıştıru Yekaterinburg şähärendä eşläp kilüçe Milli media-xoldingnı ğämälgä quyuçılarnıñ berse, şuşı könbatış okrugtan Sverdlovki ölkäseneñ Zakonnar Cıyılışı Wäkillär Palatası deputatı Al''bert Abzalov häm başqa tatar eşmäkärläreneñ başlanğıçı häm yärdäme belän ütte.

Bez Krasnoufim qalası mädäniät sarayına cıyılğan xalıq belän söyläşep aldıq. Bu äñgämä cırçınıñ xalıq arasındağı populyarlığı kimemäwen, yäşeneñ-qartınıñ anı tağın da yaratıp tıñlawların qabat kürsätte. Xalıq anıñ tatar cırı tarixın onıtmawın, İlham Şakirov, Älfiä Afzalova, Tahir Yaqubov, ğabdulla Räximqulov kebek onıtılmas cırçılarnıñ icatına iğtibar yunältüen yuğarı bäyäläde. Küp kenä ğailälärdä yäş balalarnıñ mul’tfilm qaramıyça, Salawat abıylarınıñ videoyazmaların qarawları, aña oxşatıp cırlarğa tırışuları turında söyläwçelär dä buldı.

Yaratqan cırçını xalıqqa tağın da yaqınaytu maqsatı belän başqarılğan bu eş ezsez qalmadı. Xalıq şundıy zur bäyräm öçen oyıştıruçılarğa zur räxmät belderde.

XS
SM
MD
LG