Accessibility links

җомга, 9 декабрь 2016, Казан вакыты 03:12

Qomarlı uyınnar kontrolgä alınaçaq


Uyın avtomatları belän tulğan uramnar, kibetlär soñğı yıllarda ğädäti küreneşkä äwerelde. Näq tuñdırma kioskları şikelle. Törle töslär belän bizälgän, ciñel genä küp aqçalar alırğa ömetländergän bu uyın qorılmaları keşelärne cälep itep tora. İnde bu yulı uñış miña yılmayır diep keşelär bulğan barlıq aqçaların, xätta maşina, fatir, yortların da uyın avtomatı xisabına yuğaltqan oçraqlar az tügel . Alay ğına da tügel, älege uyınnar arqasında üz-üzenä qul saluçılar da bar. Üzen üze ütermäsä, başqaları kilep yä aqçasın talıy, yä tege dönyağa cibärä.

Tatarstanda uyın avtomatların totu buyınça waqıtlıça qağidälär eşli. Läkin şuşı qağidälär bozılğan oçraqta, administrativ cawaplılıq respublikada qaralmağan. Näticädä, uyın biznesın kontrol''dä totuçı yuq. İñ möhime avtomatlarda uynawçılarnıñ tormışı qurqınıç astında. Respublikada bu ölkädä cinayät eşläre artqannan arta. Mäsälän, uzğan yılda ğına uyın salonnarında 84 cinayät eşe quzğatılğan. Bıyıl isä dürt ay eçendä genä dä 30 cinayät terkälgän. Häm cinayätlärneñ kübese qatlawlı - talaw, üterü.

Bu könnärdä küptän kötelgän Tatarstan Däwlät Sovetınıñ qanunı dönya kürde. Respublikadağı uyın oyışmalarınıñ eşçänlegen cayğa salu turındağı bu qanun Tatarstanda uyın oyışmaların kontrol''dä totuğa bağışlanğan. Xäzer respublikadağı uyın oyışmalarına uyın biznesında qatnaşu kontrol''dä totılaçaq häm älege oyışmalarğa taläplär dä quyılaçaq.

Respublikada uyın avtomatları belän köräşüdä berençe urında Çallı şähäre tora. Bu xaqta “Azatlıq” xäbär itkän ide inde. Yıl yarım waqıt eçendä Çallıdağı 2800 uyın avtomatı ber meñgä, ä uyın oyışmaları 122dän 80gä qaldırıldı. Belgeçlär fikerençä, Däwlät Sovetı qabul itkän qanun näticäsendä respublikadağı uyın oyışmaları tağın ike tapqırğa kimergä tieş. Uzğan yılda Çallıdağı uyın avtomatlarına salım - 41mln. sum şähärdä qalğan bulsa, kiläse yılnıñ başınnan inde bu aqçalar federal byudjetqa küçep baraçaq. Läkin moña şähär administratsiäse barı tik şatlana dip yaza, “Respublika Tatarstan” gäzite. Çönki däwlät byudjetına östämä aqçalar kersä dä, ämma uyın avtomatlarında uynawçılarnıñ ğailä äğzäläre küz yäşen tükkän aqçağa xalıqnıñ sotsial xälen yaxşırtu mömkin tügel.

Albina Zäynulla

XS
SM
MD
LG