Accessibility links

пәнҗешәмбе, 8 декабрь 2016, Казан вакыты 07:04

Nalçikta militsiä yäşerengän bulırğa mömkin höcüm itüçelärne ezli


Qabarda Balqar respublikası başqalasında uzğan atnadağı höcümnän soñ iminlek köçläre yäşerengän bulırğa höcüm itüçelärne ezläwne däwam itä. Cirle televidenielär xalıqnı öylärennän çıqmasqa çaqıra. İminlek köçläre Nalçiknıñ ber öleşen ayırıp alıp anda kiñkülämle operatsiä ütkärde. Militsiä äytüençä, bügen irtän bulğan atışlarda ber suğışçı hälak bulğan, beräw yaralanğan. Rusiä baş prokurorınıñ Könyaq Federal okrug öçen cawaplı urınbasarı Nikolay Şepel' uzğan atnakiç höcümnärendä qatnaşuçılar qorallarnıñ ber öleşen narkotiklarğa qarşı köräş federal' idaräseneñ cirle bülegennän bıltır dikäber ayındağı höcüm waqıtında alğan bulğan dide.

"Tikşerü näticäläre turında äytergä äle bik irtä. Çönki bez ul keşelärneñ Nalçik höcümendä qatnaşuın tieşençä dälillärgä tieş. Şuña kürä älegä bernindi tögäl sannar äytmibez" dide Şepel' Uzğan atnakiçtä Nalçikka militsiä häm xökümät binalarına, hawa alanına höcüm näticäsendä 130-dan artıq keşe hälak buldı.

XS
SM
MD
LG